UWW: qyrkúıekke deıin kúresten halyqaralyq jarystar ótkizilmeıdi
NUR-SULTAN. QazAqparat - Birikken kúres álemi qaýymdastyǵy (UWW) qyrkúıekten bastap halyqaralyq jarystar ótkizbek. Bul týraly qaýymdastyqtyń onlaın ótken jıynynda belgili boldy, dep habarlaıdy Olympic.kz.
Atalǵan basqosýda 2020-2021 jyldardaǵy jarystar kúntizbesine ózgeris engeni de talqylanǵan. Qaýymdastyq prezıdenti sportshylar men jankúıerler úshin qaýipsiz kezeń bastalǵanda ǵana kúres týrnırleri bastalatyndyǵyn atap ótken. ⠀
Eń aldymen 1 qyrkúıek pen 30 qazan aralyǵynda jasóspirimder, jastar jáne 23 jasqa deıingilerdiń jarystaryn ótkizý qarastyrylǵan. Jasóspirimder arasynda álem chempıonatyn qarashanyń sońy nemese jeltoqsannyń basynda Belgradta ótedi. Kadetter, ardagerler arasyndaǵy álem chempıonatyn bul maýsymda ótkizý qarastyrylmaǵan. ⠀ 2020 jyly ereksekter arasynda álem chempıonatyn ótkizýdi de josparlap otyr. Ol jaǵy ÁCh ótkizýge qulyq tanytqan elderdiń kúres federatsııalary ótinim bergennen keıin belgili bolmaq. ⠀ 2021 jyly kúntizbelik jospar boıynsha álem chempıonatyn ótýi kerek. Biraq keler jyly Tokıoda olımpıada ótetindikten olımpıadalyq emes salmaqtardyń chempıonaty ótýi tıis. Bul da áli naqtylanyp, pysyqtalyn sharýa bolyp qala bermek.
