UWW 2024 jyly kúres túrlerinen ótetin reıtıngilik týrnırler kestesin jarııalady
Birikken kúres álemi (UWW) 2024 jyly ótetin reıtıngilik týrnırler kestesin jarııalady, dep habarlaıdy Kazinform.
Alǵashqy reıtıngilik jarys 10-14 qańtar kúnderi Horvatııada ótedi. «Zagreb Open» dodasyna qazaq balýany Azamat Dáýletbekov bastaǵan birqatar balýan qatysady. Sondaı-aq atalǵan jarysta áıelder kúresinen Irına Kazıýlına (65 keli), Elena Shalygına (68 keli) jáne Elmıra Syzdyqova (76 keli) boz kilemge shyǵady.
Azamat Dáýletbekov 1994 jyly dúnıege kelgen. 2022, 2023 jyldary ótken álem chempıonatynda qola alǵan. Al, Azııa chempıonatynda 2022, 2023 jyldardary jeńis tuǵyryna kóterilse, 2017 jyly kúmis, 2018 jyly qola júldeger atandy.
6-9 maýsym kúnderi Vengrııanyń Býdapesht qalasynda kezekti reıtıngilik týrnır uıymdastyrylady.
11-16 sáýir aralyǵynda balýandar Qyrǵyzstan astanasy Bishkekte ótetin jyl saıynǵy Azııa birinshiliginde de reıtıngilik upaılar úshin kúresedi.
Eske salsaq, erkin kúresten tuńǵysh álem chempıony Rızabek Aıtmuhan olımpıadalyq salmaqqa aýysty. Budan buryn onyń UWW tańdaǵan úzdik 5 balýannyń qataryna engenin jazǵan bolatynbyz.
