Utylyp kórmegen qazaqstandyq kásipoı boksshy segizinshi márte jeńiske jetti
ASTANA. QazAqparat - Jeńil salmaq dárejesindegi qazaqstandyq kásipoı boksshy Abylaıhan Qusaıynov (7-0, 5 KO) óz rekordyn jalǵastyrýda, dep habarlaıdy Sports.kz.
Monreal qalasynda (Kanada) ol meksıkalyq Hılberto Mespen (8-3-1, 5 KO) rıngte kezdesti. Segiz raýndqa josparlanǵan aıqas Abylaıhannyń jeńisimen aıaqtaldy, tóreshiler qazaqstandyqty biraýyzdan (77-74, 77-74, 76-75) jeńimpaz dep tanydy.
Qazaqstandyq kásipqoı boksta segizinshi márte jeńiske jetse, onyń qarsylasy sporttaǵy mansabynda tórtinshi ret jeńilip otyr.
Kanadalyq BAQ Abylaıhannyń soqqylary men bet qaratpas shabýyly týraly jıi jazyp keldi. Alaıda buǵan deıingi Abylaıhannyń meksıkalyq Hesýsa Sılveırge (8-5-2, 3 KO) qarsy kezdesýi týraly TheFightCity.com jýrnalısi Zaharı Alapı «jekpe-jek óte qıyn boldy, qazaqstandyq tek tóreshilerdiń basym daýysymen jeńiske jetti» dep málimdegen bolatyn.
