UTO test suraǵynda «Almatydaǵy syra zaýyty qashan ashyldy?» degen saýal keldi dep ótirik aıtqan qyzdan keshirim suraýdy talap etpek
ASTANA. QazAqparat - Ulttyq testileý ortalyǵy test suraǵynda «Almatydaǵy syra zaýyty qashan ashyldy?» degen saýal keldi dep ótirik aıtqan qyzdan keshirim suraýdy talap etpek. Bul týraly búgin «Ulttyq testileý ortalyǵy» RMKK dırektory Qalı Ábdıev málim etti.
«Ókinishke oraı Aınur degen qyz aıtypty. Onyń test nusqasyn qazir sizderge kórsete alamyn. Onda ondaı suraq joq. Bolǵan emes. Nege olaı aıtqanyn túsinbeı otyrmyn. Ata-analar daıyndyq barysynda kórdik deıdi. Ol bolýy múmkin. Óıtkeni aldyńǵy jyly mundaı suraq bolǵan edi», - dedi Q.Ábdıev BAQ ókilderiniń UBT-daǵy «Almatydaǵy syra zaýyty qashan ashyldy?» degen saýaldyń oryndy-orynsyzdyǵyna qatysty saýalyna.
Onyń atap ótýinshe, apellıatsııalyq komıssııa bul saýaldyń UBT-da oryndy qoıylǵandyǵyn málim etip otyr.
«Sebebi Qazaqstan tarıhy páninde Vernyı qalasynyń damýy jóninde, ondaǵy kásiporyndardyń ashylýy, sonyń nátıjesinde ekonmıkasynyń kóterilgendigi týraly arnaıy taqyryptar bar. Onyń ishinde Vernyı qalasynda 19 ǵasyrdyń 2-shi jartysynda eki birinshi ashylǵan kásiporyn - Syra zaýyty týraly da bar. Syra degen uıatty sóz emes qoı», - dedi Q.Ábdıev.
«Biz qazir Aınur degen qyzdan keshirim suraýdy talap etemiz. Bolmasa, ary qaraı túsindirip kórýge tyrysamyz. Telearnada nege olaı aıtqany túsiniksiz», - dep qosty ol.
