Ýtılalymǵa 10 jyl: jeńil kólik baǵasy ınflıatsııa qarqynynan 1,9 ese jyldam ósken
ASTANA. KAZINFORM — Bıyl elde ýtılalym tetigi engizilgenine 10 jyl tolady. Kazinform tilshisi resmı derekterge súıenip, osy kezeńde jeńil kólik baǵasy qalaı qubylǵanyn eseptep kórdi.
Aıta ketý kerek, 2025 jyldyń tolyq statıstıkalyq derekteri áli jarııalanbaǵandyqtan, 2024 jyldyń derekteri negizge alyndy. Ulttyq statıstıka bıýrosynyń málimeti boıynsha, 2015 jyly Qazaqstanda jańa jeńil avtokólikterdiń bólshek saýdadaǵy jalpy satylym kólemi 186 mlrd 594 mln teńge bolǵan. Qazaqstan avtokólik odaǵynyń derekterine súıensek, sol jyly 97 446 jańa jeńil avtokólik satylǵan.
Ortasha satylym baǵasy — 1 mln 915 myń teńge. 2024 jyly jańa jeńil avtokólikterdiń bólshek saýdadaǵy jalpy satylym kólemi shamamen 1 trln 860 mlrd teńgege jetken. Sol jyly shamamen 205 myń jańa jeńil avtokólik satylǵan. Ortasha satylym baǵasy — 9 mln 070 myń teńge. Osylaısha ishki naryqtaǵy jeńil avtokóliktiń ortasha satylym baǵasy 1,91 mln teńgeden 9,07 mln teńgege deıin ósip, 4,74 ese artqan.
Ulttyq statıstıka bıýrosynyń derekteri 2015-2024 jyldar aralyǵynda jınaqtalǵan ınflıatsııa shamamen 2,5 ese óskenin kórsetedi. Ulttyq bank derekteri boıynsha, teńgeniń dollarǵa shaqqandaǵy ortasha jyldyq baǵamy 2015 jylǵy 222 teńgeden 2024 jyly 456 teńgege deıin álsirep, shamamen 2,05 ese ózgerdi. ıAǵnı 2015-2024 jyldary avtokólik baǵasynyń ósimi ınflıatsııadan da, teńge baǵamynyń ózgerisinen de jyldam boldy.
Ulttyq statıstıka bıýrosy men halyqaralyq avtomobıl uıymdarynyń derekterine sáıkes, ýtılalym engizilgenge deıingi 2005-2015 jyldary jańa avtokóliktiń ortasha baǵasy 904 myń teńgeden 1,91 mln teńgege deıin ósip, 2,12 ese artqan. Osy kezeńdegi jınaqtalǵan ınflıatsııa 2,03 ese bolǵan. ıAǵnı avtokólik baǵasy ınflıatsııamen shamalas qarqynmen ósken. Al 2015-2024 jyldary avtokólik baǵasy ınflıatsııadan 1,9 ese jyldam ósken. Buǵan deıin Qazaqstannan Reseı men Belarýske eksporttalatyn kóliktiń ýtılalymy óskenin jazǵan edik.
