Ýtılalym máseleleri boıynsha petıtsııany qaraý jónindegi jumys tobynyń otyrysy ótti
ASTANA. KAZINFORM – QR Ónerkásip jáne qurylys mınıstrliginiń alańynda ýtılalymyna qatysty petıtsııany qaraý jónindegi jumys tobynyń otyrysy ótti.
Jumys tobynyń quramyna depýtattar, Ónerkásip jáne qurylys, Ekologııa jáne tabıǵı resýrstar, Aýyl sharýashylyǵy mınıstrlikteriniń vıtse-mınıstrleri, Іshki ister, Mádenıet jáne aqparat, Ulttyq ekonomıka, Tsıfrlyq damý, ınnovatsııalar jáne aeroǵarysh ónerkásibi mınıstrlikteriniń, Jasyl Damý» AQ, «Qazaqstannyń avtokólik odaǵy» ZTB, «Qazaqstannyń ónerkásiptik ınvestorlar odaǵy» ZTB, «Qazaqstannyń táýelsiz bıznes odaǵy» ZTB ókilderi kirdi. Sonymen qatar petıtsııa bastamashylary qatarynan «Respýblıkalyq qaıtalama metallýrgııa ónerkásipshiler odaǵy» assotsıatsııalary, derbes avtomobıl odaǵy jáne «Ádildik úshin» QQ ókilderi endi.
Otyrysty kirispe sózimen ashqan vıtse-mınıstr petıtsııaǵa 50 myń adam qol qoıǵanyn jáne ony qaraý ári tıimdi talqylaý, sondaı-aq barlyq taraptyń múddelerine saı keletin sheshimderdi ázirleý úshin jan-jaqty qaraý mańyzdy ekenin atap ótti.
Petıtsııa bastamashysy óz sózinde ýtıl alymynyń ekonomıka salalaryna, atap aıtqanda avtomobıl ónerkásibine, qurylys, jol jáne arnaıy tehnıka óndirisine tıgizetin áseri týraly aıtty. Basqosý barysyndaǵy pikirtalas aıasynda onyń ýtıl alymy protsedýrasy arqyly jınalǵan qarajatty bólýdegi ashyqtyq taqyrybyn, sondaı-aq qazaqstandyq avtomobıl ónerkásibiniń damý bolashaǵy men onyń qazirgi jaǵdaıyn qozǵady.
Atap aıtqanda, óndirýshi kompanııalardyń ókilderi ýtıl alymy alynyp tastalsa, jumys oryndary qysqartylatynyna alańdaýshylyq bildirdi. Olar qazirgi ýaqytta turaqty jáne básekege qabiletti jalaqymen, áleýmettik paketpen jáne biliktiligin arttyrý múmkindigimen qamtamasyz etilgen avtomobıl ónerkásibi men onymen baılanysty salalarda óte kóp jumysshy qyzmet etetinin eske saldy.
Jınalystyń sońynda Oljas Saparbekov onyń qatysýshylary eń aldymen ýtıl alymynyń ózgeristeri men perspektıvalaryn talqylaǵanyn atap ótti. Odan bólek, Jumys toby músheleriniń aldaǵy ýaqytta óńirlerdegi zaýyttarǵa saparlary kestesi bekitildi. Osylaısha jumys tobynyń músheleri Kókshetaý qalasyndaǵy «KAIK» JShS, «Kazrost Engineering LTD» jáne «KAMAZ-Injınırıng» AQ, Almatydaǵy «Hyundai Trans Auto» JShS jáne «Hyundai Trans Kazakhstan» JShS, Semeıdegi «SemAZ» JShS jáne «Daewoo Bus Kazakhstan» JShS, sondaı-aq Qostanaıdaǵy «SaryarkaAvtoProm» JShS, «MTZ-Qazaqstan Mashınajasaý zaýyty» JShS men «Agromashholdıng KZ» AQ barady.
