Ýtıl alymnan túsken 8,5 mlrd teńge tabıǵatty qorǵaýǵa jumsaldy

ASTANA. KAZINFORM — «Jasyl damý» AQ orman jáne janýarlar dúnıesin qorǵaý uıymdarynyń materıaldyq-tehnıkalyq bazasyn damytýǵa 8,5 mlrd teńgeden astam qarjy quıdy. Bul týraly Ekologııa jáne tabıǵı resýrstar mınıstrligi habarlaıdy. 

— 6,19 mlrd teńgeden astam qarjy orman órtin erte anyqtaý júıesin jetildirýge baǵyttaldy. Qarajat «Ónerkásipti damytý qory» AQ arqyly bólindi, — delingen habarlamada. 

Zamanaýı baǵdarlamalyq-apparattyq keshen elimizdiń birneshe óńirinde engizildi: 

— Aqmola oblysynda — «Kýıbyshev orman sharýashylyǵy», «Buqpa orman sharýashylyǵy», «Aqkól orman sharýashylyǵy», «Krasnobor orman sharýashylyǵy» jáne «Keńes orman sharýashylyǵy».
— Astana qalasynda — «Jasyl aımaq» mekemesi;
— Qostanaı oblysynda — «Naýryzym memlekettik tabıǵı qoryǵy».

— Atalǵan júıe orman jaǵdaıyn turaqty baqylaýǵa jáne órt oshaǵyn jedel anyqtaýǵa arnalǵan. Uıym ókilderi atalǵan tehnologııany engizý órt qaýpi joǵary maýsymda orman jáne dala órtinen keletin zalaldy aıtarlyqtaı azaıtýǵa múmkindik beretinin aıtyp otyr. Sonymen qatar, kádege jaratý alymy qarajaty esebinen «Jasyl damý» AQ tabıǵatty qorǵaý qurylymdarynyń materıaldyq-tehnıkalyq bazasyn damytýǵa 2,41 mlrd teńge bóldi. Qarajat tehnıkalyq reglamentte belgilengen ekologııalyq talaptarǵa saı otandyq tehnıkany satyp alýǵa jumsaldy. Ol jerde jol talǵamaıtyn kólikter, ótkizgishtigi joǵary júk avtomobılderi (onyń ishinde refrıjerator-týshevozdar), sondaı-aq tirkemeli jabdyǵy bar dóńgelekti traktorlar kirdi. Barlyq tehnıka janýarlar dúnıesin qorǵaý, kóbeıtý jáne paıdalaný jumystarymen aınalysatyn arnaıy uıymdarǵa berildi, — deıdi mınıstrlikten.

Aqparatta aıtylǵandaı, «Jasyl damý» AQ aldaǵy ýaqytta zamanaýı tehnologııany engizý, ınfraqurylymdy jańǵyrtý jáne qorshaǵan ortanyń jaǵdaıyn jaqsartýǵa baǵyttalǵan baǵdarlama aıasyn keńeıtýdi josparlap otyr. 

Aıta ketsek, Ekologııa mınıstrligi qoqys polıgondaryn ýtıl alym esebinen salmaq. 

Eske salaıyq, byltyr belgili bolǵandaı Qazaqstanda ýtıl alym joıylmaıdy.