Ýtıl alymyna qarsy petıtsııa boıynsha qoǵamdyq tyńdaý ótedi

ASTANA. KAZINFORM — Erteń, 15 shildede ýtıl alymy máselesi jónindegi petıtsııanyń qoǵamdyq tyńdaýy ótedi. 

Kópshilik tyńdaý Ónerkásip jáne qurylys mınıstrliginiń YouTube arnasynda translıatsııalar bóliminde tikeleı efırde kórsetiledi. 

Eske sala keteıik, Qazaqstanda ýtıl alymyna qarsy petıtsııaǵa 50 myńnan asa adam qol qoıdy. Sondyqtan osy máseleni qaraıtyn jumys toby qurylyp, onyń músheleri belgili boldy. 

Alaıda jumys tobynyń alǵashqy otyrysy ótpeı qaldy. Óıtkeni ýtıl alymyna qarsy petıtsııany qaraıtyn jıynǵa belsendilerdi telefonmen kirgizbeı qoıǵan. 

Odan keıin jumys toby birneshe ret jınalyp, máseleni talqylady.

Sondaı-aq olar Qazaqstannyń óńir-óńirindegi kólik qurastyratyn zaýyttardy aralady. 

Degenmen munda da sol másele qaıtalandy. Sebebi ýtıl alymyna qarsy petıtsııa bastamashylary máselen Semeıdegi kólik zaýytyn kórýge kelmedi.

Maýsymnyń sońynda jumys toby AgromashHoldıng KZ pen Allur zaýytynda boldy.

Aıta keteıik, qazaqstandyqtar eki jylda 447,3 mlrd teńge ýtılalym tólegen.

Jalpy bul alymdy alyp tastasa, kim utady, kim utylady? Bul jaıynda Kazinform sholýynan oqyńyz.