Ýtıl alymyna qarsy petıtsııa: Bastamashylar Semeıde kólik zaýytyn kórýge kelmedi
SEMEI. KAZINFORM — Ýtıl alymyna qarsy petıtsııany qaraıtyn jumys toby Semeıde júr. Ónerkásip jáne qurylys mınıstrliginiń málimetinshe, petıtsııa bastamashylary zaýyt aralaýǵa kelmegen.
Ýtıl alymyna qarsy petıtsııany qaraıtyn jumys toby kásiporyndardy aralaý úshin 20 maýsymda Semeıge keldi.
Alaıda buǵan deıin Kókshetaý men Almatydaǵy zaýyttardy aralaýǵa qasaqylyq jasaǵan petıtsııa bastamashylary men belsendileri jumys tobynyń otyrysyna taǵy da kelmedi.
Jumys tobynyń quramynda Parlament depýtattary, Ónerkásip jáne qurylys, Ekologııa jáne tabıǵı resýrstar, Aýyl sharýashylyǵy mınıstrlikteriniń vıtse-mınıstrleri, Іshki ister, Mádenıet jáne aqparat, Ulttyq ekonomıka, Tsıfrlyq damý, ınnovatsııalar jáne aeroǵarysh ónerkásibi mınıstrlikteriniń, «Jasyl Damý» AQ, «Qazaqstannyń avtokólik odaǵy» ZTB, «Qazaqstannyń ónerkásiptik ınvestorlar odaǵy» ZTB, «Qazaqstannyń táýelsiz bıznes odaǵy» ZTB ókilderi, sonymen qatar petıtsııa bastamashylary qatarynan Respýblıkalyq qaıtalama metallýrgııa ónerkásipshiler odaǵy, derbes avtomobıl odaǵy jáne «Ádildik úshin» QQ ókilderi bar.
Toptyń ózge músheleri «Velt Logıstık» JShS-de boldy. Kásiporyn qalqalanǵan, ızotermııalyq jáne ónerkásip taýarlar fýrgondaryn, sondaı-aq refrıjeratorly fýrgon óndiredi.
Jyldyq taýar aınalymy — 1,6 mlrd teńgeden astam, kásiporynnyń aýdany — 4 myń sharshy metr.
Zaýyt aımaǵynda dánekerleý, syrlaý, qurastyrý tsehtary, aǵash óńdeý tsehy, tent tigý tsehy jáne qoımasy bar.
2024 jyly óndiristik tsehtyń qurylysy bastaldy, ol zaýytty 12 myń sharshy metrge keńeıtedi.
«Velt Logıstık» JShS ónimderiniń negizgi tutynýshysy — «SemAZ» JShS. Biz óndiristi keńeıtip, 15 gektar jer aldyq. Olar eki kásiporyn da jaqyn bolsyn dep bizge jaqyndaý jer alyp jatyr. Biz jańa aýdandarda birneshe modeldi shaǵyn blokty CKD qurastyrýmen aınalysamyz, onyń biri — GAZel. GAZel modeline arnalǵan ızotermııalyq kabınalar men búkil qondyrmany biz barǵan «Velt Logıstık» JShS jasaıdy. Kompanııa ónimderiniń basym bóligi «Qarmet» qazaqstandyq metaldan jasalǵan», — dedi «SemAZ» JShS bas dırektorynyń orynbasary Qadyrolla Jumaǵulov.
Petıtsııany egjeı-tegjeıli qaraý úshin Jumys tobynyń músheleri zaýyttyń óndiris barysymen tanysty.
Eske sala keteıik, buǵan deıin jumys tobynyń otyrysy bir márte ótpeı qalǵan edi.
