Usynys suranysqa saı emes - «Egemen Qazaqstanǵa» sholý
ASTANA. QazAqparat - Oqyrmandar nazaryna «Egemen Qazaqstan» gazetiniń 11 jeltoqsandaǵy sanyna sholýdy usynamyz.
«Egemen Qazaqstan» gazetiniń búgingi sany Memleket basshysy Nursultan Nazarbaevtyń el astanasynyń kóshirilýiniń 20 jyldyǵyna arnalǵan saltanatty sharalarǵa qatysýynan bastalady. Sondaı-aq bas basylymnyń birinshi betinen tilshi Ermuhamed Máýlenniń «Astana» fýtbol klýbynyń Eýropa lıgasynyń pleı-off kezeńine shyqqany týraly «Astananyń» Táýelsizdikke tartýy» maqalasyn oqı alasyzdar.
«Rýhanı jańǵyrý» aıdarynan «Egemen Qazaqstan» gazetiniń BQO-daǵy tilshisi Qazbek Quttymuratulynyń «Oralǵa kelseń, Qadyrdiń úıine bar...» atty taǵylymdy materıaly jarııalanǵan. «Álem jáne Qazaqstan» betinen Japonııanyń Qazaqstandaǵy Tótenshe jáne Ókiletti Elshisi Itıro Kavatonyń Egemen tilshisi Abaı Asankeldiulyna bergen suhbatyn oqýǵa bolady.
Ǵalymjan Elshibaıdyń «Usynys suranysqa saı emes» atty maqalasynda OQO-daǵy bilim salasyna qatysty, óńirdegi jastardy jumyspen qamtýdaǵy keıbir shıki máseleler kóterilgen.
Sonymen qatar, «Sport» betinde Álı Bıtóreniń 2018 jyly ótetin kezekti Qysqy Olımpıadaǵa oraı Qazaqstan quramasynyń Táýelsizdik alǵannan bergi alty Olımpıadaǵa sholýy jarııalanǵan.
Gazettiń búgingi sanynan budan basqa da qyzyqty ári mazmundy maqalalar men aqparattarǵa qanyq bolasyzdar.
