Ústirt memlekettik tabıǵı qoryǵynda Ortalyq Azııa barysy fototuzaqqa tústi
ASTANA. KAZINFORM — Ústirt memlekettik tabıǵı qoryǵynyń qyzmetkerleri Ortalyq Azııa barysyn zertteý jáne qorǵaý jónindegi halyqaralyq joba aıasynda ornatylǵan fototuzaqtardaǵy málimetterdi tekserip shyqty.
Bul joba National Geographic granttary men Segré qorynyń qoldaýymen, sondaı-aq Conservation X Labs, BRCC jáne ASBK uıymdarynyń qatysýymen júzege asyrylady.
Qýanarlyq jańalyq, 2024 jyldyń 29 qazany men 21 jeltoqsany aralyǵynda fototuzaqtarǵa barys tórt ret túsip, qoryq aýmaǵyna qaıta oralǵany anyqtaldy.
Bul málimetter Ústirt qoryǵynyń osy erekshe jáne joıylyp bara jatqan túrdiń tabıǵı ortasy retinde mańyzdy ról atqaratynyn taǵy da dáleldeıdi.
- Ortalyq Azııa barysynyń qaıta oralýy – bul Ústirt ekojúıesiniń qalpyna kelýiniń sımvoly ári biz júrgizgen birlesken kúsh-jigerdiń nátıjesi. Bul jetistik bizdi sırek ańdy zertteý jáne qorǵaý jumystaryn jalǵastyrýǵa yntalandyrady, – deıdi qoryq qyzmetkerleri.
Aıta keteıik, buǵan deıin alakóldik qoryqshylar muz ústinde júre almaı qalǵan elikti qutqarǵan.