Ústirt qoryǵynyń túngi qonaǵy: sırek kezdesetin alabarys fototuzaqqa túsip qaldy
AQTAÝ. KAZINFORM – Ústirt memlekettik tabıǵı qoryǵynda sırek kezdesetin alabarys fototuzaqqa túsip qaldy. Bul týraly Ekologııa jáne tabıǵa resýrstar mınıstrligi Orman sharýashylyǵy jáne janýarlar dúnıesi komıteti habarlady.
Ústirt memlekettik tabıǵı qoryǵynyń qonaǵy – alabarys Halyqaralyq tabıǵatty qorǵaý odaǵynyń (HTQO) krıterııleri boıynsha joıylyp ketý qaýpi bar dep tanylǵan.
Bul túr Qazaqstan Respýblıkasynyń Sırek jáne joıylyp ketý qaýpi bar túrler tizimine 2021 jyldyń sáýirinde engizilip, elimizdegi Qyzyl kitapqa kirgen.
Bir qyzyǵy, sırek kezdesetin alabarys terisiniń túsi aımaqqa baılanysty ózgerip otyrýy múmkin. Basqa qabylan túrlerinen aıyrmashylyǵy, alabarystar ashyqtaý kúńgirt túske ıe, bul olarǵa ómir súretin qurǵaq ári tasty landshafttarmen jaqsyraq úılesýge kómektesedi. Bul beıimdelgen kamýflıaj olardyń tabıǵat jaǵdaılarynda jyrtqyshtar men oljalardan tıimdi jasyrynýyna múmkindik beredi.
Eske sala keteıik, buǵan deıin Ertis ormanynda tólimen sýatqa kelgen bulan fototuzaqqa túsip qalǵanyn jazǵan edik.
