Ústirt qoryǵynda qabylan fototuzaqqa ilikti
ASTANA. KAZINFORM — Ústirt memlekettik tabıǵı qoryǵy aýmaǵynda asa sırek kezdesetin qabylan fototuzaqqa tústi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Vedomstvonyń málimetinshe, bul derekter Ústirt qoryǵynyń osy erekshe jáne joıylyp bara jatqan túrdiń tabıǵı ortasy retinde mańyzdy ról atqaratynyn taǵy da dáleldeıdi.
— Jyrtqyshtyń naýryz jáne mamyr aılarynda fototuzaqqa túskeni anyqtaldy. Qazirgi tańda qoryq qyzmetkerleri qabylannyń qozǵalysyn baqylaýdy jalǵastyryp jatyr, — delingen habarlamada.
Buǵan deıin sırek kezdesetin qustyń balapandaryn tamaqtandyrý sáti fototuzaqqa túsip qalǵanyn jazǵanbyz.
