Ústine fýtbol qaqpasy qulaǵan elorda turǵyny mert boldy

ASTANA. KAZINFORM – Áleýmettik jelide er adamdyń ústine fýtbol qaqpasy qulaǵan sátiniń vıdeosy tarady.

- Aldyn ala málimet boıynsha, jazataıym oqıǵa bolǵan. Er adam fýtbol oıyny kezinde qaqpaǵa kóterilmek bolǵan, saldarynan qaqpa qulap, ony basyp qalǵan, - delingen elordanyń polıtsııa departamentiniń baspasóz qyzmeti taratqan habarlamada. 

Qazir adam ólimi faktisi boıynsha sotqa deıingi tergeý bastaldy. 

- Oqıǵanyń mán-jaıyn anyqtaý úshin keshendi tergeý is-sharalary júrgiziledi, - deıdi polıtsııa departamentinen. 

Taıaýda ǵana astanalyq polıtseı jattyǵý zalynan shyqqannan keıin esinen tanyp, sol jerde qaıtys boldy. 

Eske sala ketsek, qańtarda elordada 19 jastaǵy jigit atylyp qalǵan edi. 

Aıta keteıik, jaqynda elordada adamnyń múrdesi tabylǵan edi. Jelide taraǵan aqparatqa súıensek, elorda turǵyny Manhetten-3 turǵyn úı kesheninen qulaǵan.