Ústirt jazyǵyndaǵy ekojúıelerdi saqtaý máselelerine arnalǵan semınar ótti
ASTANA. 8 qaraasha. QazAqparat - 7 qarasha kúni Astanada keshe, 7 qarashada QR Qorshaǵan orta jáne sý resýrstary mınıstrliginiń Orman jáne ańshylyq sharýashylyǵy komıteti
«Qazaqstan bıoalýantúrliligin saqtaý assotsıatsııasy» respýblıkalyq qoǵamdyq birlestigimen birge «Ústirt ekojúıelerin saqtaý bastamasy» jobasy aıasynda óndiristik sektormen árekettesý máseleleri jónindegi semınar ótkizdi.
Semınardyń maqsaty - Ústirt jazyǵy aýmaǵynda jumys isteıtin óndiristik kompanııalardyń nazaryn olardyń qyzmetteriniń saldaryna aýdarý. Sonymen birge bıoalýantúrlilikti saqtaý sharalaryn bıznes-josparlaýǵa endirý mańyzdylyǵyna erekshe kóńil bólý. Semınarǵa qatysýshylar táýekelder men múmkindikterdi baǵalaý, bıoalýantúrlilikti saqtaý boıynsha is-sharalar josparlaryn ázirleý, olardy ulttyq jáne halyqaralyq standarttarǵa sáıkestendirý máselelerin talqylady.
Óńirde munaı-gaz salasynyń qarqyndy damýy men ınfraqurylym aıasynyń keńeıýi Ústirt jazyǵy landshaftynyń tutastyǵyna tikeleı qaýip tóndirip otyr. Munda munaı, gaz jáne basqa da paıdaly qazbalardy óndirýmen 30-dan astam kompanııa aınalysady. Ken oryndaryn barlaý jáne óndirý kóleminiń ulǵaıýy qorshaǵan ortaǵa áser etýde.
Keńes aıasynda bıoártúrlilikti saqtaýǵa baǵyttalǵan ınnovatsııalyq ádisteme usynyldy. Bul ádistemeni «Faýna jáne Flora Interneshnl» uıymy ázirlegen. Basqarý isindegi ınnovatsııalar bıoalýantúrlilikti saqtaýǵa baılanysty táýekelderdi baǵalaýǵa jáne baǵalaý úderisiniń quramdas bóligi retinde ekologııalyq jáne áleýmettik yqpaldy jaqsartý múmkindikterin taýyp, jańa jáne qoldanystaǵy nysandarda bıoártúrlilikti baǵalaý aspektilerin qoldanýǵa múmkindik beredi.
Ústirt jazyǵy Kaspıı jáne Aral teńizderiniń arasynda ornalasqan, 200 myń sharshy shaqyrym alqapty alyp otyr. Qazaqstanda Ústirt jazyǵy Aqtóbe jáne Mańǵystaý oblystary aýmaqtaryn qamtıdy.
Ústirt jazyǵyn 30 jýyq baýyrymen jorǵalaýshylar men amfıbııalar túrleri, sút qorektilerdiń 45 túri jáne uıa salatyn qustardyń 50 túri mekendeıdi. Kúz ben kóktemde bul jerdi ýaqytsha mekendeıtin jyl qustarynyń túrleri budan da kóp. Olardyń deni joǵalý qaýpi tóngen jan-janýarlardyń halyqaralyq nemese ulttyq tizimderine engizilgen.
