Ústirt qoryǵynda qaraqulaqtar fototuzaqqa túsip qaldy

AQTAÝ. QazAqparat – Ústirt memlekettik tabıǵı qoryǵy aýmaǵyna qoıylǵan fototuzaqqa qaraqulaq tólimen birge túsip qalǵan. Mamandar ony ǵylymı-zertteý jumysy jáne reıd barysynda kórgen, dep habarlaıdy QazAqparat tilshisi.

«Qulaǵynyń ushy qara, jelpinshegi bar bul ań – qaraqulaq. Ústirt qoryǵynyń aýmaǵynda burynnan bar. Bul jyrtqyshtyń naqty sany áli belgisiz, biraq jyldan jylǵa azaıyp barady. Sondyqtan qorǵaýǵa alynyp, Halyqaralyq tabıǵatty qorǵaý odaǵy men Qazaqstannyń «Qyzyl kitabyna» engizilgen. Mańǵystaýda qaraqulaqtardy Qaraqııa-Qarakól qaýmalynan, Ústirt qoryǵynan jáne qoryq mańynan kezdestirýge bolady», - deıdi Ústirt qoryǵy dırektorynyń ǵylymı jumystar jónindegi orynbasary Jasqaırat Nurmuhambetov.