Ústine eki ret naızaǵaı túsken adam aman qaldy
ASTANA. 30 qazan. QazAqparat - Ústine naızaǵaı túsken rodeo qatysýshysy aýrýhanaǵa tústi. Shoý kórsetý tobynda kloýn bolyp jumys isteıtin Keısı Vagnerge eki ret jaı tústi, dep habarlady Sky News.
Oqıǵa ótken demalys kúnderi Dallastan soltústik-batysqa qaraı ornalasqan Sant Ho qalasynda oryn alǵan. «Rednecks with Paychecks» jarysy qyza túsken kezde naızaǵaı oınaı bastaǵan. Naızaǵaıdan jasyrynbaq bolǵan 31 jastaǵy Vagner aǵashtyń astyna baryp tasalanǵan.
Osy sátte onyń ústine jaı túsken. Ne bolǵanyn túsinbegen ol ornynan qozǵala almaı qalypty. «Bul ólim sııaqty boldy. Budan soraqy jaǵdaı buryn menimen bolǵan emes», - deıdi Vagner.
Vagner Qudaıdyń kómegimen ajaldan aman qaldym dep otyr. «Ómirimdi saqtap qalǵany úshin Qudaıǵa qaryzdarmyn. Budan bylaı shirkeýge jıi baratyn bolamyn», - deıdi ol.
