Ústimizdegi jyly QR AÓK damytý baǵdarlamasy sheńberinde gerbıtsıdterdi sýbsıdııalaýǵa bólinetin qarjy 19 ese ósip, 1 mlrd-tan 19 mlrd teńgege jetedi - AShM
«2013 jylǵy bıýdjetti naqtylaý barysynda Qazaqstan Respýblıkasynda 2013-2020 jyldarǵa arnalǵan Agroónerkásiptik keshendi damytý baǵdarlamasy aıasynda, gerbıtsıdterdi sýbsıdııalaý úshin buryn bólingen 1,0 mlrd teńgeniń ornyna qarjyny 19,1 mlrd teńgege deıin kóbeıtýge baǵyttalǵan «Oblystardyń bıýdjetteri men Astana jáne Almaty qalalarynyń bıýdjetterine maqsatty aǵymdaǵy transfertter» bıýdjettik tapsyrysyn engizý josparlanýda. ıAǵnı, 2013 jyldyń ózinde biz gerbıtsıdterdi sýbsıdııalaýǵa bólinetin qarjyny 19 ese arttyramyz», - dedi M.Ómirııaev.
Ústimizdegi jyly alǵash ret otandyq qana emes, shetelderde óndirilgen gerbıtsıdter de sýbsıdııalanady. Bul jaǵdaıda dıqandarǵa tyńaıtqyshtar men gerbıtsıdterdi otandyq zaýyttardan arzan baǵaǵa satyp alýdy, munda sýbsıdııany zaýyt alady, sondaı-aq, - sýbsıdııa sońǵy tutynýshy - dıhandarǵa tólenetin sheteldik tyńaıtqyshtar men gerbıtsıdterdi jańa tetik boıynsha satyp alýlardy tańdaý múmkindigi beriledi.
Sóıtip, otandyq ónimdi satyp alǵan jaǵdaıda sýbsıdııa normasy onyń qunynyń 50% deıin, sheteldiki - 30 % deıin bolady.
Engizilgen ózgeristerge sheńberinde vıtse-mınıstr jergilikti atqarý organdarynyń basshylaryna sýbsıdııalanatyn daqyldardyń, tyńyıtqyshtar men gerbıtsıdterdiń basym túrleri men olardy sýbsıdııalaýdyń normalaryn bekitý jónindegi qaýlylardyń jobalaryn AShM-ǵa kelisýge usynýdy, sondaı-aq, zaýyttarǵa mıneraldy tyńaıtqyshtardy alýshylardyń tizimin usynýdy tapsyrdy.