Ústimizdegi jyly Eýropalyq tilder kúni bıznestik ortadaǵy tilaralyq túsinistik problemasyna arnalady
BRıÝSSELЬ. Qyrkúıektiń 23-i. QazAqparat /Dımash Syzdyqov/ - Jyl saıyn Eýroodaqta qyrkúıektiń 26-synda atap ótiletin Eýropalyq tilder kúni bıylǵy jyly bıznestik ortadaǵy tilaralyq túsinistik problemalaryna arnalady,
delingen Eýropalyq komıssııa taratqan baspasóz habarlamasynda. Onda atalyp ótilgendeı, Eýroodaqtyń shaǵyn jáne orta kásiporyndarynyń 11 paıyzy tildi bilmeýinen birqatar kelisimsharttardan syrt qalyp, ondaǵan mıllıon eýro paıdadan qaǵylýda.
«Eýropalyqtar tildi bilý men ony bilmeý arasyndaǵy aıyrmashylyqty túsine bastady. Adamnyń tulǵasynyń, onyń ishinde bıznestiń damýyna belsendi kómek beretin tilder olarǵa básekelestikte artyqshylyqtar usynyp, eksporttyq rynokqa jol ashýda», - dep atap ótti Bilim berý, mádenıet, kóptildilik jáne jastar máseleleri boıynsha eýrokomıssar Andrýlla Vasılıý.
