Ústimizdegi jyly avtokólik quraldaryn tirkeıtin 4 ortalyq ashylady
ASTANA. 18 tamyz. QazAqparat - Ústimizdegi jyly Qazaqstanda avtokólik quraldaryn tirkeý men júrgizýshi kýáligin beretin 4 Halyqqa qyzmet kórsetý ortalyǵy ashylady, dep habarlady QR Kólik jáne kommýnıkatsııa mınıstrliginiń baspasóz qyzmeti Pm.kz saıtyna.
QR KKM aqparyna qaraǵanda, atalǵan ortalyqtar Astana, Aqtaý, Almaty, Qaraǵandy qalalarynda ashylady. Qalǵan oblystarda osyndaı mamandandyrylǵan mekemelerdiń ashylýy 2013 jyly júzege asyrylmaqshy.
Ortalyqtardyń jumysynda qyzmetkerlerdiń praktıkalyq emtıhandarǵa áserin tolyǵymen boldyrmaıtyn «avtomattandyrylǵan avtodrom» júıesi qoldanylatyn bolady.
Qazirgi kezde jańadan qurylyp jatqan Ortalyqtardyń jumys prıntsıpteri men atalǵan salada qyzmet kórsetýdiń bıznes-úrdisi anyqtalǵan. Búginde barlyq múddeli memlekettik organdardyń aqparattyq júıesin biriktirý boıynsha jumystar júrgizilýde.
Mamandandyrylǵan Ortalyqtardy uıymdastyrý avtokólikterdi tirkeý men júrgizýshi kýáligin berý salasynda kórsetiletin qyzmetti ońtaılandyryp, sapasyn arttyrady dep josparlanýda.
Esterińizge sala keteıik, «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýynda Memleket basshysy avtokólik quraldaryn tirkeý men júrgizýshi kýálikterin berý jumystaryn HQKO quzyryna berýdi tapsyrǵan bolatyn.
