Ústimizdegi jyly 19 eskertkishke qaıta jóndeý jumystary júrgizilýde - QR MM
ASTANA. Qyrkúıektiń 22-si. QazAqparat /Serik Sábekov/ - Ústimizdegi jyly 19 eskertkishke qaıta jóndeý jumystary júrgizilýde. Bul týraly búgin QR Mádenıet mınıstri Muhtar Qul-Muhammed QR Parlamenti Senatynyń Áleýmettik-mádenı damý jónindegi komıtet múshelerimen aýyldardaǵy mádenıet nysandaryn damytýdyń zańdylyǵyn qamtamasyz etý máselelerine arnalǵan kezdesýi barysynda aıtty.
«Olardyń qatarynda Qoja Ahmet Iasaýı kesenesi, Shoqan Ýálıhanovtyń ájesi Aıǵanymnyń úıi, Aqtyras jáne Balasaǵun saraı keshenderi, Túrkistandaǵy Ábilmámbet hannyń rezıdentsııasy, «Eski Túrkistan» aımaǵyndaǵy Shahrıstan ortaǵasyrlyq qaqpalary jáne basqalary bar», - dep atap ótti M.Qul-Muhammed.
