Ústel tennısinen Prezıdent kýbogi máresine jetti: kimder marapattaldy

Astanada 25–29 qazan kúnderi ústel tennısinen QR Prezıdentiniń Ashyq kýbogi ótti. Aýqymdy sporttyq is-sharany Nomad Table Tennis Academy men Qazaqstan ústel tennısi federatsııasy Týrızm jáne sport mınıstrliginiń qoldaýymen uıymdastyrdy.

Marapattaý rásimine Halyqaralyq ústel tennısi federatsııasynyń (ITTF) bas hatshysy Raýl Kalın, Nomad Table Tennis Academy negizin qalaýshy Medeý Nurasyl jáne akademııa dırektory Rýslan Jetibaev qatysty.

Komandalyq birinshilikte júldeli oryndardy Reseı Federatsııasy, Iran jáne Koreıa quramalary ıelendi.

Áıelder arasyndaǵy jekeleı synda (17+):

1-oryndy — Elızabet Abraamıan (Reseı),
2-oryndy — Lı Deyn (Ońtústik Koreıa),
3-oryndardy — Lı Sıan (Gonkong) jáne Lı Syn Yn (Ońtústik Koreıa) ıelendi.

Jasóspirimder arasyndaǵy jeńimpazdar men júldegerler:

Uldar, U-11:
1 oryn — Ramazan Raýanuly (ShQO)
2 oryn — Zańǵar Ábdimájit (Shymkent)
3 oryn — Nurjan Baqdáýlet (Shymkent)
3 oryn — Rasýl Bekbolat (Aqtóbe oblysy)

Qyzdar, U-11:
1 oryn — Shohına Mırkodırova (Shymkent)
2 oryn — Jansaıa Tilegenova (Qaraǵandy oblysy)
3 oryn — Tomırıs Temirqyzy (Aqtóbe oblysy)
3 oryn — Nazerke Bolatbek (Túrkistan oblysy)

Jigitter, U-16:
1 oryn — Álibı Shomanov (ShQO)
2 oryn — Asylhan Maǵzumbekov (Qaraǵandy oblysy)
3 oryn — Sanjar Ibahan (Túrkistan oblysy)
3 oryn — Mansur Súıindik (Pavlodar)

Qyzdar, U-16:
1 oryn — Marııa Lýkıanova (Qaraǵandy)
2 oryn — Aqnıet Amangeldi
3 oryn — Raýana Shymkentbaı (Shymkent)
3 oryn — Noıla Hanııazova (Túrkistan oblysy)

Jalpy jarysqa Qazaqstan, Ońtústik Koreıa, Qytaı, Majarstan, Mysyr, Malaızııa, Iran jáne Saýd Arabııasy syndy 14 elden 300-den astam sportshy qatysty. Іs-shara sporttyq sheberlikti shyńdaýǵa, tájirıbe almasýǵa jáne ústel tennısin nasıhattaýǵa zor múmkindik berdi. Álemdik ITTF reıtınginde turǵan oıynshylardyń qatysýy týrnırdiń joǵary mártebesin aıqyndaı tústi.

Qazaqstanda búginde 260 myńnan astam adam ústel tennısimen júıeli túrde aınalysady. El boıynsha 20 óńirlik federatsııa, 12 zamanaýı ústel tennısi ortalyǵy, 30 jańa bólimshe jáne 35 mamandandyrylǵan zal jumys isteıdi. Keıingi eki jylda otandyq tennısshiler halyqaralyq jarystarda 85 medal jeńip aldy, onyń 31-i altyn.

Aıta ketsek, 2023 jyly Astanada alǵash ret ústel tennısinen Azııa chempıonaty ótken bolatyn. Al 2027 jyly Qazaqstanda álem chempıonatyn ótkizý josparlanǵan.

Eske sala keteıik, Prezıdent ústel tennısi maıtalmandarymen áńgimelesti.