Ústel tennısinen Olımpıada joldamasyna kimder talasady

ASTANA. KAZINFORM – Ózbekstan astanasy Tashkent qalasynda 17-19 mamyr aralyǵynda ótetin lıtsenzııadyq týrnırge qatysatyn Qazaqstan quramasynyń sportshylary belgili boldy. 

QR Ulttyq olımpıadalyq komıteti málim etkendeı, Tashkentte ótetin atalmysh doda sońǵy Ortalyq Azııa aımaqtyq irikteý týrnıri bolmaq. Týrnır barysynda Parıj Olımpıadasynyń lıtsenzııasy sarapqa salynady. 

Olımpıada joldamasyna Qazaqstan sapynan tómendegi sportshylar talasady: 

Kırıll Gerasımenko, Alan Kurmanǵalıev, Sarvınoz Mırkadırova, Anastasııa Lavrova.

Qazirgi tańda oqý-jattyǵý jıynyn aıaqtaǵan sportshylar Tashkentke ushyp ketti. 

«Bizdiń aldymyzda tórtjyldyqtyń basty dodasyna joldama beretin jarysqa jaqsy daıyndyqpen baryp, erler men áıelder arasynda bir-birden, jalpy esebi eki joldama alý mindeti tur. Qazirgi tańda sportshylarymyzdyń daıyndyǵy jaman emes. Qańtar aıynan beri josparlanǵan týrnırlerdiń bárine qatystyq. Jattyǵý jıynynda jekelegen qateliktermen jumys istep, árbir tennısshiniń oıyn mánerin jetildirýge tyrystyq. Tashkentte Iran, Ózbekstan, Qyrǵyz Respýblıkasy, Túrikmenstan jáne Qazaqstan sportshylary olımpıadalyq kvotany ózara sarapqa salady. Biz Ózbekstan astanasyna joldama alý úshin baramyz», - deıdi bas bapker Elmıra Álıeva. 

Atalǵan týrnırde tek jeńiske jetken sportshylar ǵana joldamaǵa qol jetkizedi.