Ústel tennısinen qytaılyq álem chempıony Qazaqstan atynan óner kórsetedi
ASTANA.KAZINFORM — Ústel tennısinen álem jáne Azııa chempıony qytaılyq Fan Bo qazaqstandyq klýb sapynda óner kórsetedi.
Nomad ústel tennısi akademııasy qytaılyq sportshynyń komanda quramyna qosylǵanyn resmı jarııalady.
— Álemdik deńgeıdegi sportshynyń qosylýy komandany nyǵaıtyp qana qoımaı, sonymen qatar Qazaqstandaǵy ústel tennısin damytýdaǵy strategııalyq qadam. Fan Bonyń qatysýymen Qazaqstandaǵy ústel tennısi jańa deńgeıge kóterilip otyr. Fan Bo jattyǵý protsesine belsendi qatysady, halyqaralyq tájirıbemen bólisedi, sportshylarǵa keńes beredi jáne jetekshi oıynshylardyń sparrıng-seriktesi retinde áreket etedi, — dep atap ótti akademııa baspasóz qyzymeti.
Aıta keterligi, Fan Bo qazaqstandyq komanda sapynda Dúnıejúzilik ústel tennısi kásibı lıgasynda (WTT) baq synaıdy.
Eske sala keteıik, Fan Bo ótken jyly ústel tennısinen Qazaqstan Respýblıkasy Prezıdentiniń ashyq kýbogyna qatysty.
Sonymen qatar. Qytaılyq sportshy memleket basshysy Qasym-Jomart Toqaevpen kezdesip, áńgimelesken bolatyn.
