Ústel tennısinen qazaqstandyq tóreshi 2026 jylǵy Azııa oıyndarynda tórelik etedi

ASTANA. KAZINFORM – Qazaqstandyq joǵary sanatty halyqaralyq tóreshi Tımýr Hodjaev 2026 jyly Japonııada uıymdastyrylatyn Azııa oıyndarynda ústel tennısinen ótetin kezdesýlerde tórelik etedi. 

Ulttyq olımpıadalyq komıtettiń málimetinshe, qazaqstandyq mamannyń tóreshiler quramyna engeni týraly Azııa ústel tennısi odaǵy (ATTU) Qazaqstan ústel tennısi federatsııasyna resmı túrde habarlaǵan.

Sonymen qatar halyqaralyq sanattaǵy tóreshiler – Gúlnaz Jalaldın men Rýstam Mıraslanov 2026 jylǵy Azııa para oıyndarynda qyzmet atqarady. 

Aıta keteıik, 2026 jylǵy Azııa oıyndary 19 qyrkúıek pen 4 qazan aralyǵynda ótedi.

Buǵan deıin habarlaǵanymyzdaı, Dmıtrıı Popko men Tımofeı Skatov Germanııadaǵy jarysty sátti bastady.