Ústel tennısinen Qazaqstan quramasynyń bas bapkeri taǵaıyndaldy

ASTANA. KAZINFORM - Áset Saǵymbaev ústel tennısinen Qazaqstan ulttyq quramasy bas bapkeri qyzmetine taǵaıyndaldy.

Bul jóninde elimizdiń ústel tennısi federatsııasy málim etti.

Áset Saǵymbaev Taıland, Úndistanda ótken jastar arasyndaǵy Azııa chempıonaty, Germanııa men Japonııada bolǵan álem chempıonatynda baq synaǵan. Sporttyq mansabynda ol Qazaqstan chempıonaty, respýblıkalyq spartakıada, halyqaralyq týrnırlerde medal jeńip aldy.

Qazirge deıin tájirıbeli maman Aqtóbe oblysy qurama komandasynyń aǵa bapkeri qyzmetin atqardy.

Aldaǵy ýaqytta el quramasyn kóptegen halyqaralyq jáne respýblıkalyq jarystar kútip tur.

Anglııa astanasy London qalasynda 28 sáýir men 10 mamyr aralyǵynda ótetin ústel tennısinen komandalyq álem chempıonatynda qazaqstandyq sportshylardyń qarsylastary anyqtaldy. Bul Halyqaralyq ústel tennısi federatsııasy (ITTF) jáne álem chempıonatynyń 100 jyldyǵyn tarıhı merekeleýdiń bastalýyna tuspa-tus kelip otyr.

Elimizdiń erler quramasy 11 topta Mysyr, Taıland, Túrkııamen synǵa tússe, áıelder quramasy 5 topta Brazılııa, Chehııa, Mońǵolııamen kezdesedi.

Týrnırde jerebe nátıjesi boıynsha qazaqstandyqtardyń qarsylastary anyqtaldy. Erler arasynda elimizdiń quramasy 11 topta Mysyr, Taıland, Túrkııamen synǵa tússe, elimizdiń áıelder quramasy 5 topta Brazılııa, Chehııa, Mońǵolııamen kezdesedi.

Eske salsaq, budan buryn Alan Qurmanǵalıev ústel tennısinen Qatardaǵy týrnırde eki medalǵa ıe boldy.