Ústel tennısinen Qazaqstan erler komandasy Irandy qapy qaldyrdy

ASTANA. KAZINFORM - Astanada ústel tennısinen Azııa chempıonaty jalǵasyp jatyr. Týrnır aıasynda Qazaqstannyń erler quramasy 7-8 oryn alý úshin saıysqa tústi, dep habarlaıdy Olympic.kz.

Bizdiń qurama Iran elinen kelgen sportshylarǵa qarsy oınady. 

Qazaqstandyq sportshylar 3:1 esebimen jeńiske jetti. Osylaısha otandyq komanda 7-orynǵa jaıǵasty. Bul rette qazaqstandyq sportshylar úsh Azııa chempıonatynda úzdik segizdikke enip otyr.

Aıta ketelik, atalǵan týrnırde el namysyn Kırıll Gerasımenko, Alan Qurmangalıev jáne Aıdos Kenjeǵulov qorǵady.