Ústel tennısi: Azııa chempıonatyndaǵy qazaqstandyqtardyń qarsylastary anyqtaldy
ASTANA. KAZINFORM - Búgin Ózbekstan astanasy Tashkentte ústel tennısinen XXIX Azııa chempıonaty bastaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Atalmysh dodaǵa Qazaqstan atynan baratyn sportshylar:
Erler - Kırıll Gerasımenko, Alan Qurmanǵalıev, Aıdos Kenjeǵulov, Sanjar Jubanov, Eskendir Harkı;
Áıelder - Záýresh Aqasheva, Sarvınoz Mırkadırova, Janerke Qoshqymbaeva, Albına Jaqsylyqova men Angelına Romanovskaıa.
Al erler arasyndaǵy komandalyq synda Qazaqstan topta Fılıppın jáne Shrı-Lanka quramasymen oınaıdy.
Matchtar kestesi:
Qazaqstan – Fılıppın
Qazaqstan – Shrı-Lanka
Áıelder komandasynyń qarsylastary mynadaı:
Qazaqstan – Maldıv araldary
Qazaqstan – Iran Islam Respýblıkasy.
Munda ár toptyń úzdik eki komandasy pleı-off kezeńine joldama alady. Chempıonat 25 qazanda máresine jetedi. Bıylǵy dodaǵa 28 elden 235 sportshy qatysyp jatyr.
Osyǵan deıin Tashkentte el namysyn kimder qorǵaıtynyn jazǵan edik.
