Ústel tennısinen Azııa chempıonaty: Qazaqstan erler quramasy Saýd arabııasymen kezdesedi

ASTANA. KAZINFORM – Qazaqstan erler komandasy astanada ótip jatqan ústel tennısinen Azııa chempıonatynda qatarynan eki oıynda jeńiske jetti.

Erler arasyndaǵy komandalyq saıysta Qazaqstan quramasy ekinshi topta Soltústik Koreıa jáne Pákistanmen sheberlik baıqasty.

Alǵashqy saıysta otandastarymyz Soltústik Koreıany 3:2 esebimen qapy qaldyrdy. Kırıll Gerasımenko eki oıynda da jeńiske jetse, sheshýshi matchta Alan Qurmanǵalıev jeńiske jetti.

Pákistanmen saıysta, Kırıll Gerasımenko, Alan Qurmanǵalıev jáne Sanjar Jubanov qarsylastaryn 3:0 esebimen oısyrata jeńdi.

Osylaısha, Qazaqstan erler quramasy birinshi dıvızıonǵa joldama aldy.

Búgin, Qazaqstan quramasy Saýd Arabııasymen fınaldyq segizdikke kirý úshin saıysqa túsedi.

Aıta keteıik, Saýd Arabııasy birinshi dıvızıondaǵy alǵashqy saıysynda Taılandty 3:1 esebimen jeńdi.

Eske sala ketsek, ústel tennısinen Azııa chempıonaty 7 qazan kúni astanadaǵy BEELINE ARENA Ulttyq tennıs ortalyǵynda jalaýyn kóterdi. Týrnırde 26 elden kelgen 210 sportshy baq synaıdy.

Qazaqstan quramasy oıynshlary: Kırıll Gerasımenko, Alan Qurmanǵalıev, Iskander Harkı, Aıdos Kenjeǵulov, Sanjar Jubanov, Sarvınoz Mırkadırova, Zaýresh Akasheva, Anastasııa Lavrova, Anel Baqyt, Angelına Romanovskaıa.