Ústel tennısinen ACh: Qazaqstan erler quramasy shırek fınalda jeńildi

ASTANA. KAZINFORM – Qazaqstan erler komandasy astanada ótip jatqan ústel tennısinen Azııa chempıonatynda jartylaı fınalǵa jete almady.

Shırek fınalda, Qazaqstan quramasy Úndistan sportshylarmen sheberlik baıqasty.

Kırıll Gerasımenko eki oıynda jeńilis tapsa, Alan Qurmanǵalıev el quramasyna bir jeńis syılady. Al Aıdos Kenjeǵulov qarsylasyna ese jiberip aldy.

Osylaısha, Qazaqstan quramasy 1:3 esebimen Úndistanǵa jol berip, jartylaı fınaldan tys qaldy. Alaıda, otandyq sportshylar endi 5-8 oryndar úshin baq synaıdy.

Eske sala ketsek, ústel tennısinen Azııa chempıonaty 7 qazan kúni astanadaǵy BEELINE ARENA Ulttyq tennıs ortalyǵynda jalaýyn kóterdi. Týrnırde 26 elden kelgen 210 sportshy baq synap jatyr.

Qazaqstan quramasy buǵan deıin Saýd arabııasyn 3:0 esebimen jeńip, shırek fınaldan kóringen bolatyn.