Ústel tennısinen ótken chempıonatta Astana quramasy úzdik tanyldy
ASTANA. 20 aqpan. QazAqparat - 10-17 aqpan aralyǵynda Qostanaıda ústel tennısinen el chempıonaty ótti. Bul saıysqa 12 oblys pen Astana jáne Almaty qalalarynan barlyǵy 126 sportshy qatysty.
«Jarysqa elordalyqtar myqty qurammen jasaqtalyp bardy. Bul joly astanalyqtar ulttyq birinshilikte ózderiniń joǵary biliktiligin dáleldep, 4 altyn medaldi qanjyǵalaryna baılady. Jalpy bul dodada 5 medal sarapqa salynǵan edi», - delingen Astananyń týrızm, dene tárbıesi jáne sport basqarmasynyń málimetinde.
Atap aıtqanda, tájirıbesi moldaý qarsylastaryn 15 jastaǵy elordalyq Kırıll Gerasımenko tize búktirdi.
«Ol tek 15 jasta ǵana. Alaıda, ol buǵan deıin de ózinen eresek qarsylastaryn utyp júrdi. Bıyl Kırıll Qazaqstannyń chempıony tıtýlyn jeńip aldy. Al osyǵan deıin ol balalar jáne jasóspirimder týrnırleriniń chempıondyq tıtýldaryn qanjyǵasyna baılaǵan edi»,-deıdi elordalyq quramanyń jattyqtyrýshysy Gennadıı Gerasımenko.
Jalpykomandalyq esepte Astana quramasy úzdik tanylyp, birinshi oryndy ıelendi.
