Ústel tennısinen QR komandalyq ashyq chempıonatynyń jeńimpazdary anyqtaldy
PALODAR. QazAqparat - Pavlodarda ótken ústel tennısinen komandalyq Qazaqstan ashyq chempıonatynyń úshinshi aınalymynda «Qaraǵandy» klýbynan Alan Qurmanǵalıev, Vladıslav Zaharov, Vadım ıAroshenko, Evgenıı Grýzdov, jattyqtyrýshy Igor Rýbtsov jeńiske jetti, dep habarlaıdy QazAqparat QR Ulttyq olımpıada komıtetine silteme jasap.
Qaraǵandylyqtar 9 match ótkizip, barlyǵynda jeńiske jetti. Al jarystyń sońǵy kúni «Sarkan» (Taldyqorǵan) komandasyndaǵy basty qarsylastarynan 3:2 esebimen basym tústi.
Qazirgi ýaqytta «Qaraǵandy» - birinshi, «Sarkan» - ekinshi, «Sholaq-Terek» - (Qostanaı oblysy) úshinshi orynda tur.
Úzdik úshtikten keıin «Sigma» (Shymkent), «Karven» (Qyrǵyzstan), Pavlodar, «Qaraǵandy-3» KNT, «Qazaeronavıgatsııa» (Astana), «Masanshy jolbarystary», SK «Hvan Man-Gym» (Ózbekstan).
Sońǵy týr jeltoqsan aıynyń ortasynda ótedi.
Foto: olympic.kz
