Ústel tennısinen Qazaqstan jastar oıyndarynda BQO quramasy ekinshi orynǵa kóterildi
ORAL. QazAqparat - Aqtóbe qalasynda ústel tennısinen márege jetken Qazaqstan ІV jastar oıyndarynda BQO quramasy tabysty óner kórsetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, erler arasynda juptasyp óner kórsetýde Dastan Kenjeǵulov pen Aıdos Kenjeǵulov eshkimge des bermeı, jeńimpaz atandy, Sol sekildi komandalyq synda Aıdos Kenjeǵulov, Dastan Kenjeǵulov, Ábilseıit Ibat jáne Eldar Baıandın chempıondyq ataqty ıelendi. Al jekeleı synda Dastan Kenjeǵulov ekinshi, áıelder arasynda juptasyp óner kórsetýde Alsý Saparova men Gaýhar Almaǵambetova úshinshi orynǵa kóterildi. Olardy ústel tennısinen BQO quramasynyń aǵa bapkeri Sarvara Nazarova bastaǵan mamandar jattyqtyrady.
Jalpykomandalyq esepte BQO quramasy ekinshi orynǵa ıe boldy.
