Ústel tennısinen el chempıonatynda batysqazaqstandyqtar jeti júlde oljalady
ORAL. QazAqparat - Almaty qalasynda ústel tennısinen 1995 jylǵy jáne odan kishi jastar arasynda márege jetken el chempıonatynda BQO quramasy tabysty óner kórsetti, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, batysqazaqstandyqtar 2 altyn, 3 kúmis jáne 2 qola medaldi jeńip aldy. Atap aıtqanda, jastar arasynda jekeleı synda Dastan Kenjeǵulov el chempıony atansa, Gaýhar Almaǵambetova kúmis, Aıdos Kenjeǵulov qola júldeni ıelendi. Juptyq synda Alsý Saparova men Gaýhar Almaǵambetova qarsylas shaq keltirgen joq. Sondaı-aq aǵaıyndy Dastan men Aıdos Kenjeǵulovtar juptyq synda ekinshi orynǵa kóterildi. Aralas synda Aıdos Kenjeǵulov pen Alsý Saparova taǵy bir qola júldeni enshiledi. Sonymen qatar bozbalalar arasyndaǵy komandalyq synda BQO quramasy kúmis medaldi qanjyǵaǵa baılady.
