Ústel tennısinen BQO quramasy Qazaqstan chempıony atandy
ORAL. QazAqparat – Qaraǵandy qalasynda ústel tennısinen erler men áıelder arasynda ótip jatqan el chempıonatynda komandalyq synda jeńimpazdar anyqtaldy, dep habarlaıdy QazAqparat tilshisi.
BQO dene shynyqtyrý jáne sport basqarmasynyń baspasóz qyzmeti málim etkenindeı, Batys Qazaqstannyń erler komandasy fınalda qaraǵandylyqtardy jeńip, chempıon atandy. Shyǵysqazaqstandyqtar men shymkenttikter úzdik úshtikke ilikti.
Osylaısha erler quramasy oblys tarıhynda alǵash ret jeńimpaz atanyp otyr.
BQO komandasy sapynda Aıdos Kenjeǵulov, Dastan Kenjeǵulov, Sanjar Jubanov, Damır Melsov jáne Bolat Nıetqalıev óner kórsetti.
Al áıelder arasynda komandalyq básekede qaraǵandylyqtar úzdik shyqsa, batysqazaqstandyqtar kúmis júldege ıe boldy. Nur-Sultan men Shymkent qalasynyń ókilderi úshinshi oryndy bólisti.
BQO namysyn Gaýhar Álmaǵambetova, Gúlchehra Hýseınova, Alsý Saparova, Arýjan Bekish jáne Arýjan Іlııas qorǵady.
Batysqazaqstandyqtardy Sarvar Nazarova men Vladıslav Kýzmın jattyqtyrady.
Qazaqstan birinshiligi 14 qańtar kúni jekeleı synda jalǵasyp, jeńimpaz-júldegerler anyqtalady.
