Ústel tennısi: Olımpıadaǵa irikteý týrnırindegi qazaqstandyqtardyń qarsylastary anyqtaldy
PAVLODAR. QazAqparat - Búgin Katar astanasy Dohada ústel tennısinen Olımpıadaǵa álemdik irikteý týrnıri bastaldy, dep habarlaıdy QazAqparat Olympic.kz-ke silteme jasap.
Erler arasynda 78, áıelder arasynda 63 sportshy Tokıo Olımpıadasynyń toǵyz joldamasyna talasady. Olımpıada lıtsenzııasynan úmitti qazaqstandyq tennısshilerdiń alǵashqy qarsylastary anyqtaldy. Atap aıtar bolsaq, Aıdos Kenjeǵulov Lıýksembýrg ókili Erık Klodpen, Záýresh Aqasheva ýelstik Sharlott Kerımen, Anastasııa Lavrova ıtalııalyq Debora Vmıravellımen synǵa túsedi. Al Qazaqstan komandasynyń kóshbasshysy Kırıll Gerasımenko Lıýbomır ıApcharjık (Chehııa) - Braın Mýtýa (Kenııa) jubynyń jeńimpazyna qarsy oınaıdy.
