Ústel tennısi, aýyr atletıka, dzıýdo, shahmat – Qazaqstan sportshylarynyń apta ishindegi jetistigi
Sońǵy ýaqytta ústel tennısinen elimizdiń jarqyn juldyzyna aınalǵan Alan Qurmanǵalıev halyqaralyq saıystarda el namysyn qorǵap júldeli oryndardan kórinip júr. Sportshymyz taıaýda ǵana Polshada ótken ústel tennısinen qola medal jeńip aldy. 17 jasqa deıin jas sanatynda jarys jolyna shyqqan ol Gonkong, Perý, Fınlıandııa, Qytaı, Ózbekstan, Japonııa sportshylarynan basym túsip, tek taıbeılik Chan ıÝ-Anǵa ǵana ese jiberdi. Búgindi Alannyń qorjynynda halyqaralyq jarystardan jeńip alǵan 23, onyń ishinde 10 altyn, 6 kúmis jáne 7 qola medal bar. Esterińizde bolsa, osydan bir aıda nastam ýaqyt buryn Alan Portýgalııanyń Vıla-Real qalasynda ótken ústel tennısinen WTT Youth Contender týrnırinde jeńimpaz atanǵan edi.
Aıta keterligi, 11-15 sáýir kúnderi Chernogorııanyń Podgorıtsa qalasynda ótetin WTT Youth Star Contender týrnırine de Qazaqstan tennısshileri qatysady. Aıtýly dodada qaraǵandylyq Alan Qurmanǵalıev (Qaraǵandy, álemdik reıtıngte №11, 19 jas) jáne Sarvınoz Mırkadırova (Shymkent, №30) óner kórsetedi. Olarǵa jas erekshelikterine qaraı myna sportshylar qarsylas atanbaqshy: Kao Cheng-Djýı (Taıbeı, №3), Edýard Ioneský (Rýmynııa, №4), Hıýgo Desham (Frantsııa, №6), O Djýn Sýn (Koreıa, №7), Chan ıÝ-An (Taıbeı, №8), qyzdar Lı Deýn (Koreıa, №5), Pavad Prıtıka (Frantsııa, №7), Annett Kaýfmann (Germanııa, №8), Chen Pýsýan (Taıbeı, №9), Tsın ıÝısıýan (Qytaı, №11).
Albanııada ótken aýyr atletıkadan jasóspirimder arasyndaǵy álem chempıonatynda Qazaqstan sportshylary sátti óner kórsetip, 7 altyn medal jeńip aldy. Olardyń ishinde Nıkıta Abdrahmanov, Nurdos Sabyr Erasyl Sáýlebekov chempıon atansa, Taısııa Alekseeva kúmis júldeger atandy. Jalpy, el sportshylary jasóspirimder arasyndaǵy álem chempıonatynda 7 «altyn», 5 «kúmis», 2 «qola» jeńip alyp, jalpy medal sany boıynsha 1-orynǵa shyqty. Al saıys qorytyndysy boıynsha Qazaqstan uldar quramasy komandalyq esepte 3-oryn ıelense, qyzdar 5-orynǵa turaqtady. Toqtala keteıik, aýyr atletıkadan əlem chempıonatynda júlde ər baǵdarlama boıynsha beriledi. Atap aıtqanda, sportshyǵa julqa, serpe kóterý jáne jalpy esep boıynsha 3 medal usynylady.
Osy aptada tek qazaqstandyqtar ǵana emes, álem jurtshylyǵy kóz tikken iri sporttyq is-sharanyń biri Úndistanda ótken FIDE gran-prıiniń úshinshi kezeńi boldy. Osy saıystaa el namysyn qorǵaǵan shahmatshy Bıbisara Asaýbaeva 2-oryn aldy. Bıbisara sheshýshi - 11-týrda Katerına Lagnomen teń túsip, 6 upaı jınady.
Aıta keterligi qytaılyq Chjý Tszıner men reseılik Aleksandra Gorıachkına da teń oınap, 6 upaı enshilegen edi. Osylaısha, úsh shahmatshy ball sany boıynsha teń tústi. Bul rette Bıbisara Asaýbaeva jekelegen kórsetkish boıynsha 2-oryn alsa, reseılik grossmeıster Aleksandra Gorıachkına taı-breıkte jeńiske jetti. Birdeı upaı jınaǵan 3 oıynshy 37 myń eýro syıaqy men 400 upaıdy birdeı bólisedi.
Gran-prıdiń sheshýshi - 4-kezeńi Kıpr astanasy Nıkosııada 15-28 mamyr kúnderi ótedi. Otandasymyz Bıbisara Asaýbaeva osy kezeńge shaqyrtý alǵan 12 shahmatshynyń qatarynda.
Esterińizge sala ketsek, Astana qalasynda FIDE-niń 2023 jylǵy álem chempıonaty aıasynda áıelder arasyndaǵy Qazaqstan men álem quramalary kezdesýi ótedi. Qazaqstan men álem quramalary 17-18 sáýirde rapıd, 19 sáýirde blıtsten sheberlik baıqasady. Árbir qurama 8 oıynshydan tirkeıdi. Onyń ishinde 4-i 20, 18, 16 jáne 14 jasqa deıingi sanatqa deıingi shahmatshy bolýy kerek. Olar óz jas sanaty boıynsha bir-birimen oınaıdy. Bul baıraqty básekede el namysyn Jansaıa Ábdýmálik, Dınara Sádýaqasova, Bıbisara Asaýbaeva, Merýert Kamalıdenova, Lııa Qurmanǵalıeva, Ksenııa Balabaeva, Alýa Nurmanova, Zarına Nurǵalıeva qorǵaıdy.
Orta salmaqta jeńilip kórmegen qazaq boksshysy Jánibek Álimhanuly kásipqoı bokstaǵy eń belsendi álem chempıontary reıtıngine endi. WBO belbeýine ıeger «qazaq stıli» óz ataǵyn ortasha eseppen 219 kúnde bir qorǵaý arqyly reıtıngtiń 4-satysyna jaıǵasty. Qazirgi ýaqytta WBO nusqasy boıynsha orta salmaqtaǵy álem chempıony Jánibek Álimhanulynyń (13-0, 8 KO) kelesi jekpe-jegi ótetin kún men qarsylasy belgili. Bul týraly Jánibek Álimhanulynyń menedjeri Berik Sultan óziniń Facebook paraqshasynda jazdy.
«Resmı! Buıyrtsa, jekpe-jek 13 mamyrda ótedi. Jánibek Álimhanuly WBO chempıondyq tıtýlyn ekinshi ret qorǵaıdy. Qarsylasy kanadalyq Stıven Batler. Jasy 27-de. Rekordy: 32 jeńis, 3 jeńilis. WBO reıtınginde 6 oryndaǵy qarsylas. Tartysty kezdesý kútip tur! Qazaq style-ǵa sáttilik! Jeńisti kúnde júzdeseıik!», - dep jazǵan edi ol.
Eske sala keteıik, Jánibek eń sońǵy jekpe-jegin byltyr qarashada Las-Vegasta ótkizip, tóreshilerdiń sheshimimen brıtandyq boksshy Denzel Bentlıden basym tústi. Sol arqyly WBO belbeýin qorǵap qaldy.
Taıaýda Búkilálemdik boks keńesi (WBC) barlyq salmaqtaǵy boksshylardyń jańartylǵan reıtıngin jarııalady. Olardyń qatarynda alǵashqy 15 orynǵa ilikken qazaqstandyq bylǵary qolǵap sheberleri bar. Asa aýyr salmaqtaǵy Jan Kosobýtskıı 8-ornyn saqtap qalsa, ekinshi orta salmaqtaǵy Alı Ahmedov tórtinshi orynnan úshinshige kóterildi. Al Gennadıı Golovkın reıtıngide orta salmaqta 1-orynda tursa, Meıirim Nursultanov besinshi orynnan tórtinshige jaıǵasty. Sondaı-aq jartylaı orta salmaqta burynǵy álem chempıony Sergeı Lıpınets tórtinshi orynnan besinshige tómendedi.
7 sáýir kúni Dúnıejúzilik densaýlyq kúni men Dúnıejúzilik densaýlyq saqtaý uıymynyń 75 jyldyǵyna arnalǵan is-sharalar uıymdastyryldy. Atap aıtqanda, elordanyń Botanıkalyq baǵynda QR Densaýlyq saqtaý mınıstri Ajar Ǵınııat, QR Mádenıet jáne sport vıtse-mınıstri Sarsen Quranbek, Dúnıejúzilik densaýlyq saqtaý uıymynyń ókili jáne Qazaqstandaǵy DDU eldik ofısiniń basshysy Skender Syla qatysqan «SÓZDEN ІSKE/ WALK THE TALK/OT SLOVA K DELÝ» uranymen qysqa qashyqtyqqa júgirý aktsııasy ótti. Іs-sharany ashqan QR DSM basshysy Dúnıejúzilik densaýlyq kúni adamdardyń nazaryn densaýlyqty nyǵaıtýǵa, álemdegi qaýipsizdikti qoldaýǵa jáne azamattardyń densaýlyq pen ál-aýqatty qorǵaýǵa quqyqtaryn saqtaýǵa aýdarýǵa baǵyttalǵanyn aıtty.
Búginde tórtkúl dúnıedegi shahmat jankúıerleriniń nazary Qazaqstanǵa aýyp tur. Bul kúnderi elordamyzda Shahmattan álem chempıonaty ótip jatyr. Chempıonat barysynda ǵalymshardaǵy eń ataqty shahmatshylar ıAn Nepomnıaşıı men dın Lıjen chempıon ataǵyn sarapqa salady.
Halyqaralyq shahmat federatsııasynyń (FIDE) prezıdenti Arkadıı Dvorkovıchtyń paıymynsha, Qazaqstan shahmattyń damý ortalyǵyna aınaldy.
«Eń aldymen nelikten Qazaqstan álem birinshiligin ótkizý orny retinde tańdalǵanyna toqtalǵanym jón bolar. Biz sońǵy ýaqytta Qazaqstan shahmattyń damý ortalyǵyna aınalǵanyn kórip otyrmyz. Qazaqstanda qyzdar shahmaty qazirdiń ózinde óte jaqsy damyǵan. Erler shahmaty da osy saıystan keıin yntalanǵan jas shahmatshylardyń artýy esebinen jaqsara túsedi dep oılaımyn», - dedi Arkadıı Dvorkovıch Astanada Shahmattan álem chempıonatynyń resmı ashylý rásiminde.
Sonymen qatar ol Qazaqstanda shahmattan qyzdar arasyndaǵy gran-prı, komandalyq álem chempıonaty syndy iri jarystardyń ótkenine nazar aýdardy.
«Qazaqstannyń Qytaı men Reseı arasynda ornalasýy da osy saıysty ótkizý orny retinde ózge elde emes, dál sizderdiń memleketterińizde tańdaýǵa túrtki bolǵan sebepterdiń biri sanalady», - dedi ol.
Almatyda Beket Mahmutovty eske alýǵa arnalǵan dzıýdodan Azııa kýbogi ótip jatyr. Baıraqty básekede elimizdiń jasóspirimder quramasy 9 altyn, 6 kúmis jáne 12 qola júldemen medaldar kestesinde kósh bastady. Al Qazaqstan jastar quramasy 1 altyn, 2 kúmis jáne 7 qolamen jalpykomandalyq esepte 2-orynǵa jaıǵasty. Azııa kýbogy búgin óz máresine jetedi.