Ústel tennısi: Jánııa Bekmuhambetova Bolgarııadaǵy týrnırde altyn medal jeńip aldy

ASTANA, KAZINFORM – Ústel tennısinen Qazaqstan quramasynyń ókili Jánııa Bekmuhambetova Panagıýrıshte qalasynda (Bolgarııa) ótken WTT Youth Contender halyqaralyq týrnırinde jeńiske jetip, altyn medal aldy.

QR UOK málimetinshe, Jánııa 13 jasqa deıingi sportshylar arasynda ótken jarysta top jardy.

Ol bolgarııalyq Radına Zaharıevany, Martına Nıkolovany, Beloslava Balkanskaıany, slovakııalyq Vıven Mýrkovty, rýmynııalyq Karıss Serban men Bıanka Tomýdy senimdi túrde jeńip, jeńis tuǵyrynyń eń bıik satysyna kóterildi.

Aıta keteıik, Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti. Keshe Japonııadaǵy Kýrýme ITF W50 týrnırinde chempıon atanǵan Zarına Dııas birden 43 satyǵa joǵarylap, 318-den 275-ke aýysty.