Ústel tennısi: Qazaqstandyq tóreshi Mysyrda ótetin iri týrnırde tórelik etedi

ASTANA. KAZINFORM — Qazaqstandyq tóreshi Gúlnaz Jalaldın WTT Youth Contender Cairo týrnıriniń tóreshiler quramyna qosyldy, dep habarlaıdy QR UOK baspasóz qyzmeti.

- Halyqaralyq ústel tennısi federatsııasynyń (ITTF) jáne Búkilálemdik ústel tennısi uıymynyń (WTT) Tóreshiler komıteti halyqaralyq sanattaǵy tóreshi Gúlnaz Jalaldındi 2025 jylǵy WTT Youth Contender Cairo týrnıriniń tóreshiler quramyna qosty, - delingen QR UOK habarlamasynda.

Jarys bıylǵy jyldyń 29 qazanynan 1 qarashasyna deıin Mysyrda ótedi.

Gúlnaz 2024 jyly Astanadaǵy Azııa chempıonatynda, sondaı-aq WTT Youth Contender Almaty 2023, 2024, 2025, WTT Contender Almaty 2023, 2024, 2025 jáne Central Asian Regional Qualification Tournament for 2026 World Team Table Tennis Championships dodalarynda kórsetken tájirıbesi men jetistikterine qaraı irikteldi.

Buǵan deıin qazaqstandyq jas tennısshi Latvııadaǵy týrnırde úzdik shyqqan edi.