Ústel tennısi: Qazaqstan quramasy WTT Youth Contender týrnırinde úsh medal jeńip aldy

ASTANA. KAZINFORM – Almatyda ústel tennısinen WTT Youth Contender halyqaralyq iri týrnıri jalǵasyp jatyr.

QR UOK málimetinshe, kezekti jarys kúninde Qazaqstan quramasy úsh birdeı júldege ıe boldy.

Barlyq úsh medal - qola. Qyzdar arasyndaǵy U13 sanatynda Jánııa Bekmuhambetova fınalǵa shyǵý úshin ótken matchta Taıbeı ókili Lıao ıÝı Tszınge 0:3 esebimen jol berdi.

Osy jas sanatynda Araılym Sapabek te jartylaı fınalda reseılik Eleonora Shırıaevaǵa qarsy kezdesýde 2:3 esebimen ese jiberdi.

Taǵy bir qola júldeni Nurdáýlet Azamatuly (U13) jeńip aldy. Ol jartylaı fınalda reseılik Matveı Manankovpen ótken tartysty kezdesýde 2:3 esebimen jeńilip qaldy.

Aıta keteıik, qazaqstandyq tennısshi Elena Rybakına juptyq synda ulybrıtanııalyq Emma Radýkanýmen birge Vashıngton (AQSh) WTA 500 týrnıriniń jartylaı fınalyna joldama aldy.