Ústel tennısi: Qazaqstan quramasy WTT Youth Contender týrnırinde 5 altyn aldy
ASTANA. KAZINFORM – Ústel tennısinen Qazaqstan quramasy Batýmıde (Grýzııa) ótken WTT Youth Contender 2024 týrnırinde 5 altyn medal jeńip aldy.
WTT resmı saıtyndaǵy aqparatqa sáıkes, Qazaqstan quramasynyń sportshylary Sarvınoz Mırkadırova 19 jasqa deıingiler arasynda top jarsa, Janerke Koshkýmbaeva kúmispen kúpteldi. Al, Abdýlla Mamaı men Sarvınoz Mırkadırova aralas juptyq synda Belarýs ókilderin 3:1 esebimen jeńip, chempıon atandy. Sondaı-aq Arnýr Oralhanov erler arasynda jekeleı synda úshinshi orynan kórindi.
Qyzdar arasynda 15 jasqa deıingiler sanatynda qazaqstandyq Marııa Lýkıanova ózbekstandyq Ásel Erkebaevaǵa ese jiberip, kúmis medaldy qanaǵat tutty. Taǵy bir qazaqstandyq sportshy Noıla Hanııazova úshinshi oryn aldy. Alaıda, Marııa Lýkıanova 13 jasqa deıingiler arasynda top jaryp, el qorjyny tórtinshi altynmen tolyqty.
Uldar arasynda 11 jasqa deıingiler sanatyndaǵy jekeleı synda Abaı Jumaǵul ózbekstandyq Ámir Shırıevty 3:1 esebimen qapy qaldyryp, jeńis tuǵyrynan kórindi. Qyzdar arasynda jekeleı synda Janııa Bekmýhambetova top jardy. Sondaı-aq Nazerke Bolatbek jáne Oleg ıAkovlev qola júldeni qanjyǵalady.
