Ústel tennısi: Qazaqstan Almatydaǵy WTT Youth Contender týrnırinde alǵashqy medalin jeńip aldy
ASTANA. KAZINFORM — Almatyda ústel tennısinen WTT Youth Contender serııasyndaǵy iri halyqaralyq týrnır ótip jatyr.
Jarysta Qazaqstan quramasy alǵashqy medaline qol jetkizdi.
15 jasqa deıingiler arasyndaǵy aralas juptyq synda Oleg ıAkovlev pen Marııa Lýkıanova qola júldege ıe boldy.
Týrnır barysynda otandyq sportshylar Ózbekstan, Ońtústik Koreıa jáne Malaızııa ókilderin jeńdi. Al jartylaı fınalda Úndistan quramasyna jol berip, úshinshi orynǵa ıe boldy.
Aıta ketelik Qazaqstan komandasy penchak sılattan Azııa chempıonatynda 18 medal jeńip aldy.
