Ústel tenısinen ITTF World Tour -2017 fınaldyq básekesi Astanada ótedi
ASTANA.QazAqparat - Halyqaralyq ústel tennısi federatsııasy (ITTF) Seamaster 2017 ITTF World Tour týrnıriniń fınaldyq básekesi Qazaqstanda ótetindigin jarııalady.
Federatsııanyń qaýlysyna sáıkes, ústel tenısinen 2017 jylǵy álemdik týrdyń aqtyq básekesi jeltoqsannyń 14-17 kúnder aralyǵynda ótetin bolady.
Júlde qory 1 mıllıon dollardy quraıtyn baıraqty básekege qatysatyn sportshylar osy jyly álemniń 12 elinde ótkizilgen jarystardyń qortyndysy boıynsha saralanady. ıAǵnı, er-áıel jekeleı synynda upaı sany aldyńǵy 16 sportshy, er-áıel juptyq synynda upaı sany boıynsha aldyńǵy 8 jup óner kórsetýge mumkindik alady. Erejege sáıkes, básekeni ótkizýshi elden 1 sportshynyń aqtyq synǵa tikeleı qatysýǵa múmkindigi bar.
«Bul báseke Qazaqstanda jáne Ortalyq Azııa elderinde alǵashqy ret ótkizilip otyr. Sońǵy ýaqytta Qazaqstan osy sport túrin damytýǵa kúsh salyp, Kırıll Gerasımenko sııaqty jas talanttar jaryqqa shyqty. Biz osy mumkindikti bere otyryp, Qazaqstanda ústel tenısi sportynyń odan ary damýyna tilektespiz» -, deıdi ITTF atqarýshy dırektory Stıv Dentonn.
Eske sala keteıik, Kırıll Gerasımenko 2016 jylǵy Rıo Olımpıadasynda el namysyn qorǵaǵan edi. Sondaı-aq, ol 2017 jyly 19 qańtar Býdapesht qalasynda osy maýsymdaǵy birinshi álemdik týrda jeńimpaz atanyp, Qazaqstan tarıhynda alǵash ret ústel tennısinen ITTF World Tour jeńimpazy atanǵan bolatyn.
Aıta keterligi, 2017 ITTF World Tour kelesi kezeńi Bolgarııanyń Panagıýrıshte qalasynda ótedi.
