Ustazdarǵa qandaı syılyq jasaýǵa bolady
«Ustazdar kúni merekesi qarsańynda ata-analardyń arasynda balamnyń muǵalimine ne syılasam degen suraq jıi týyndaıtyny ras. «Aqsha jınaýǵa qarsymyz» aktsııasyn jalǵastyra otyryp, ata-analardyń nazaryn baǵaly syılyq emes, odan da mańyzdy bolyp sanalatyn qundylyqtarǵa aýdarǵym keledi», - deıdi Ánýar Janǵozın óziniń Feısbýktegi paraqshasynda.
Bilim basqarmasynyń basshysy atap ótkendeı, ustazdarǵa eń jaqsy syılyq - ata-analar men shákirtterdiń muǵalim eńbegin baǵalap, oǵan laıyqty qurmet kórsetý bolyp tabylady.
«Halyqtyń jalpy pikirin bilý úshin Astana qalasynyń Bilim basqarmasy «Ustazǵa eń jaqsy syılyq» aktsııasyn bastap otyr. Osy jazbada atalǵan áriptesterimdi shaǵyn beıne quttyqtaýda óz oılarymen bólisip, bizdiń bastamamyzdy ári qaraı jalǵastyrýǵa shaqyramyn», - deıdi ol.
Eske sala keteıik, 2018 jyldyń 7 aqpanynan bastap Astana qalasynda Memlekettik qyzmet isteri jáne sybaılas jemqorlyqqa qarsy is-qımyl agenttigi men Astana qalasy ákimdiginiń jemqorlyqqa qarsy birlesken jobasy júzege asyrylýda. Onyń maqsaty - ishki sybaılas jemqorlyqty joıý jáne elordanyń memlekettik mekemelerine kelgen azamattarǵa qolaıly jaǵdaı jasaý.