Ustazdardyń ulttyq biliktilik testileýi qaı qalalarda ótedi

ASTANA. QazAqparat - 21-22 shildede ótetin pedagogtardyń ulttyq biliktilik testileýine ótinish qabyldana bastady, dep habarlaıdy QazAqparat.

Testileý tek tómende kórsetilgen test tapsyrý pýnkterinde júrgiziledi. ıAǵnı, osy mekenjaılarda ǵana tapsyrýǵa bolady.

Bul testileýge kimder qatysa alady:

- mektepke deıingi tárbıe men oqytý uıymdarynyń pedagogteri;

- bilim berý uıymdarynyń ádiskerleri (ádistemelik kabınetterdiń (ortalyqtardyń) ádiskerlerinen basqa);

- jalpy orta bilim berý uıymdarynyń pedagogteri;

- qosymsha bilim berý uıymdarynyń (ınternattyq uıymdardyń, jataqhanalardyń tárbıeshileri, arnaıy uıymdardyń tárbıeshileri úshin) pedagogteri;

- bilim berý uıymdarynyń, ádistemelik kabınetterdiń (ortalyqtardyń) basshylary;

- tehnıkalyq jáne kásiptik, orta bilimnen keıingi bilim berý uıymdarynyń ( jalpy bilim beretin pánder boıynsha, sondaı-aq jalpy kásiptik jáne arnaıy, jalpy gýmanıtarlyq jáne áleýmettik-ekonomıkalyq pánder boıynsha) pedagogteri;

- pedagogıkalyq baǵyttar boıynsha joo jáne kolledj bitirýshi túlekteri (bakalavrıat-kúndizgi, bakalavrıat-qysqartylǵan, magıstratýra);

- pedagogıkalyq (mamandyqtar) baǵyttar boıynsha tehnıkalyq jáne kásiptik, joǵary jáne/nemese joǵary oqý ornynan keıingi bilimi bar, tájirıbesi joq kandıdattar (onyń ishinde 2022 jylǵy túlekter);

- pedagogıkalyq qyzmetti qaıta jalǵastyrǵysy keletin tulǵalar.

Ótinish bos oryndar aıaqtalǵanǵa deıin qabyldanady.