Ustazdar men tálimgerler joǵary memlekettik nagradalarmen marapattaldy
ASTANA. KAZINFORM – Shákirtteri bedeldi halyqaralyq jarysta top jarǵan ustazdar men tálimgerler joǵary memlekettik nagradalarmen marapattaldy. Bul týraly Aqorda habarlady.
Atap aıtqanda, Memleket basshysy Qasym-Jomart Toqaevtyń Jarlyǵymen bilim berý salasyndaǵy asa úzdik jetistikteri jáne Qazaqstan Respýblıkasyna sińirgen aıryqsha eńbegi úshin Astana qalasyndaǵy Nazarbaev zııatkerlik mektebiniń muǵalimi Meıramgúl Kenjehanovaǵa, Almaty qalasyndaǵy №134 lıtseı muǵalimi Irına Nesterenkoǵa – «Qurmet» ordeni, «Edlight Academy» ádiskeri Janbolat Jolgeldıevke, Qaraǵandy qalasyndaǵy Nazarbaev zııatkerlik mektebiniń muǵalimi Qarlyǵash Joldybaevaǵa, «Haileybury Almaty» mektebiniń muǵalimi Vladımır Jýkke berildi.
Sonymen qatar Óskemen qalasy Bilim-ınnovatsııa lıtseıiniń muǵalimi Aıgúl Seıitdáýletke – «Eren eńbegi úshin» medali, Qyzylorda qalasyndaǵy Bilim-ınnovatsııa lıtseı-ınternatynyń muǵalimi Batyr Jarqynǵa, Taldyqorǵan qalasyndaǵy №24 lıtseı muǵalimi Merýert Abaevaǵa, Pavlodar qalasyndaǵy Bilim-ınnovatsııa lıtseı-ınternatynyń muǵalimi Oljas Ámzeevke, Almaty qalasyndaǵy Respýblıkalyq fızıka-matematıka mektebiniń muǵalimi Baqyt Mamyshevke «Shapaǵat» medali berildi.
Prezıdent Qasym-Jomart Toqaev Aqordada halyqaralyq pán olımpıadalarynda jeńimpaz atanyp, júldeli oryndarǵa ıe bolǵan oqýshylarmen jáne stýdenttermen kezdeskenin jazǵan edik.
