Ustazdar men dárigerler «Bolashaq» baǵdarlamasy aıasynda shet elde taǵlymdamadan ótedi
ASTANA. 9 sáýir. QazAqparat - Bıyldan bastap ustazdar men dárigerler «Bolashaq» baǵdarlamasy aıasynda shet elde taǵlymdamadan ótýge múmkindik alady.
Bul týraly búgin QR Bilim jáne ǵylym mınıstrliginiń Strategııalyq josparlaý jáne aqparattyq tehnologııalar departamenti dırektorynyń orynbasary Aqerke Abylaıhan málim etti.
«Úkimet qaýlysymen «Bolashaq» baǵdarlamasyna úmitkerlerdi irikteýde bıylǵy jyly alǵash ret shet elde pedagogıkalyq, medıtsınalyq jáne ınjenerlik-tehnıkalyq mamandyqtar mamandarynyń taǵlymdamadan ótýi qarastyrylyp otyr. Taǵlymdamanyń merzimi 1 aıdan 12 aıǵa deıin. Qosymsha jarty jyl daıyndyq kýrstary beriledi», - dedi ol.
Sonymen qatar onyń atap ótýinshe, aǵymdaǵy jyldan bastap ǵylymı taǵlymdamadan ótý úshin JOO, ǵylymı-zertteý ınstıtýttary mamandaryna eshqandaı shekteý qoıylmaǵan. «Osy ýaqytqa deıin ǵylymı taǵlymdamaǵa tek qana memlekettik JOO-lardyń jáne ǵylymı-zertteý ınstıtýttarynyń oqytýshylyq quramy jiberiletin. Búgingi tańda «Bilim týraly» zańǵa sáıkes bul shekteý alynyp tastaldy. ıAǵnı kez kelgen bilim berý uıymynyń azamattary shet elde taǵlymdamadan óte alady», - dedi A.Abylaıhan.
Esterińizge sala keteıik, 2011 jyldan bastap Bolashaq» baǵdarlamasy aıasynda bakalavrıat baǵdarlamasy boıynsha shet elde mamandar daıarlaý toqtatylǵan bolatyn. Mamandardy daıarlaý tek qana magıstratýra, doktarantýra jáne taǵlymdamaǵa jiberý boıynsha júzege asyrylady.
