Ustazdar kúni muǵalimderge gúl syılaý — dástúr — mınıstrlik

ASTANA. KAZINFORM — Alda ustazdar merekesi kele jatyr. Oqýshylar men ata-analardyń muǵalimderge qurmet kórsetip, gúl syılaıtyn ádeti bar. Sonymen ustazdarǵa gúl syılaýǵa bola ma? Oqý-aǵartý mınıstrligi túsinik berdi.

«Mereke qarsańynda áriptesterden „Muǵalimge gúl syılaýǵa bola ma?“ degen suraqtar túse bastady. Osy oraıda atalǵan suraqqa qatysty ustanymdy bildirgim keledi. Ustazdar kúni — erekshe kún, mereke pedagogterdiń bizdiń ómirimizdegi mańyzdy rólin taǵy bir eske salady. Gúl syılaý — tárbıeleý men oqytýǵa bar kúsh-jigerin jumsaǵan ustazdarǵa alǵys bildirýdiń múmkindigi. Іzgi lebiz bildirý muǵalimderge bildiretin alǵys sezimimizdiń belgisi. Mundaı yqylas ustaz eńbeginiń mańyzdylyǵyn kórsetip qana qoımaı, urpaqtar arasyndaǵy syılastyq qarym-qatynasty nyǵaıta túsedi. Aıta ketý kerek, ustazǵa qurmet kórsetý urpaqtar arasynda saqtalyp kele jatqan dástúr», — dep jazdy vedomstvonyń resmı ókili Mereke Amangeldiqyzy jelidegi paraqshasynda.

Eske sala ketsek, Oqý-aǵartý mınıstri Ǵanı Beısembaev alǵashqy qońyraýda ustazdarǵa gúl syılaý kerek pe degen saýalǵa jaýap bergen edi.