Ustaz Ulytau PTO jobasyn iske asyrý oqýshylardyń bilim sapasyn arttyrýǵa qalaı áser etedi
ASTANA. KAZINFORM — Ustaz Ulytau jobasy iske qosylǵaly «Qazaqmys Korporatsııasy» JShS qatysqan óńirlerdegi mektepterden 3000-nan astam pedagog túrli biliktilikti arttyrý kýrstarynan ótti. Joba jumysynyń arqasynda mektep oqýshylarynyń bilim sapasy artqany da baıqalady, dep habarlaıdy Kazinform agenttiginiń tilshisi.
Mektep — bul jaı ǵana bilim oshaǵy emes, bul jeke tulǵalar qalyptasatyn, óz isiniń bolashaq kásipqoılary tárbıelenetin oryn. Al osy qasıetterdi balanyń boıyna darytý pedagogtardyń eńbegi. Óńirlerdiń turaqty damýyn qamtamasyz etýde orta bilim sapasynyń mańyzdylyǵyn eskere otyryp, «Qazaqmys korporatsııasy» JShS bastamasy boıynsha 2021 jyldan bastap bilim sapasyn arttyrý boıynsha ınnovatsııalyq joba iske asyrylýda. «The Ulytau educational foundation» qaıyrymdylyq qory «Qazaqmys» korporatsııasynyń suraýy boıynsha Ustaz Ulytau pedagogıkalyq transformatsııa ortalyǵyn qurdy. Korporatsııanyń qarjylaı qoldaýymen qor kompanııanyń jumys jasap jatqan aımaqtarynda: Jezqazǵan, Sátpaev qalalarynda jáne Ulytaý oblysynyń Ulytaý aýdanynda, Balqash qalasynda jáne Qaraǵandy oblysynyń Qarqaraly, Osakarov, Abaı, Buqar jyraý aýdandarynda, sondaı-aq Jambyl oblysy Shý qalasynda keshendi jumystardy oryndaıdy.
Jumys 7 negizgi baǵyt boıynsha júrgiziledi (akkredıtteý, kásiptik baǵdarlaý, ınternatsıonaldandyrý, TTMSO, STEM, CLIL, basqarý tıimdiligin arttyrý).
Ustaz Ulytau PTO-nyń túrli jobalaryna qatysatyn muǵalimderdiń kóbisi kásibı turǵyda ósý múmkindikterine ıe bolǵanyn aıtady.
— Jobaǵa qatysý men úshin birqatar áleýetterdi ashty, men ınnovatsııalyq bilim berý quraldary jáne platformalarymen tanystym, olardy endi oqý protsesine biriktire alamyn. Budan basqa, buryn sırek qoldanǵan pánaralyq tásilderdiń áleýetin sezindim. Endi ár túrli pánderdi biriktiretin sabaqtar ázirleýdi josparlap otyrmyn. Qazirgi zamanǵy ádistemege degen kózqarasym aıtarlyqtaı ózgerdi. Buryn men tsıfrlyq quraldardy dástúrli ádisterge qosymsha retinde qabyldadym, biraq joba tehnologııalardyń oqytýdy qalaı ózgertip, ony ınteraktıvti jáne derbes ete alatynyn kórsetti. Sonymen qatar, men bilim berý úderisindegi oqýshynyń rólin qaıta qaradym: endi materıaldy este saqtaýǵa emes, jobalyq jumys pen synı oılaýdy damytýǵa basa nazar aýdaramyn, — deıdi Sátbaev qalasyndaǵy «№ 4 Abaı atyndaǵy mektep-lıtseıi» KMM dırektorynyń oqý jumysy jónindegi orynbasary Merýert Ábisheva.
Qordyń aǵylshyn tili oqytýshylaryn damytý baǵdarlamalaryna qatysý pedagogtarǵa birqatar qundy múmkindikter berdi.
— Birinshiden, men IELTS tapsyrýǵa múmkindik aldym, bul meniń kásibı kókjıegimdi keńeıtti. Ekinshiden, King’s Oxford (Ulybrıtanııa) taǵylymdamasy aǵylshyn tilin oqytýdaǵy bilimdi tereńdetip qana qoımaı, oqytýdyń ozyq ádisterimen de tanysýǵa múmkindik berdi. Balalardyń King’s Bournemouth-qa saparyn uıymdastyrýǵa qatysý mańyzdy jetistikterdiń biri boldy, onda olar aǵylshyn tildi ortaǵa enip, óte qundy tájirıbe jınaqtady. Qordyń arqasynda men International Foundation baǵdarlamasynyń jattyqtyrýshysy boldym. Qor baǵdarlamalaryna qatysa otyryp, jeke kózqarastyń jáne oqytýda zamanaýı tehnologııalardy paıdalanýdyń qanshalyqty mańyzdy ekenin kórdim. International Foundation-daǵy jumys dástúrli ádister qazirgi zamanǵy oqýshylardyń qajettilikterine, ásirese IELTS sııaqty halyqaralyq emtıhandarǵa daıyndyq jaǵdaıynda beıimdelýdi talap etetinin rastady, — dep bólisti Jezqazǵan qalasynyń «Abaı atyndaǵy mamandandyrylǵan mektep-gımnazııasy» KMM aǵylshyn tili muǵalimi Medet Jandildınov.
Qysqy strategııalyq sessııa barysynda mektep dırektorlaryna arnalǵan «The Ulytau Educational Foundation» qoǵamdyq qaıyrymdylyq qorynda 16-22 aqpanda bilim berý, ózgeristerdi basqarý, mektep ishindegi baqylaýdy tıimdi uıymdastyrý, ózin-ózi uıymdastyrý jáne mektep dırektorlarynyń jeke tıimdiligi salasyndaǵy belgili qazaqstandyq jáne halyqaralyq sarapshylardyń dáristeri men trenıngteri ótkiziledi.
— Astanada «Qazaqmys korporatsııasy» jumys istep jatqan aımaqtardan 15 mektep dırektory bir apta ishinde bilim alyp, biliktiligin arttyryp qana qoımaı, áriptesterimen de qundy baılanys ornatý úshin jınaldy. Bizdiń qordyń barlyq qyzmeti bilim berý tájirıbesine ınnovatsııalardy engizýge, muǵalimder men mektep menedjerleriniń biliktiligin arttyrýǵa, halyqaralyq tájirıbe almasýǵa múmkindikter jasaýǵa baǵyttalǵan, bul nátıjesinde 85 mektepte orta bilim berý sapasyn aıtarlyqtaı arttyrýǵa alyp keledi. Jobanyń biregeıligi — óńirlerdegi mektepterge júıeli, qurylymdalǵan kómek kórsetý úshin ǵylym men tájirıbeni, iri bıznes pen memlekettiń kúsh-jigerin biriktirý. Tartymdy bilim berý ortasyn qurý jáne mektepterdiń básekege qabiletti túlekterin daıarlaý — jobany iske asyrý barysynda sheshiletin eki basym mindet, — deıdi «The Ulytau Educational Foundation» QQ dırektory Marına Han.
Qor jumysy belsendi túrde jalǵasyp jatyr. 2025 jyldyń 24-25 sáýirinde Qaraǵandy qalasynda «Bilim berýdi damytýdyń ózekti máseleleri: Problemalar. Innovatsııalyq sheshimder. Boljamdar» atty ІІІ Halyqaralyq, ylymıópraktıkalyq konferentsııa ótedi.