Ustaz ulyq emes, uly qyzmet - Qazaqstannyń úzdik pedagogy

NUR-SULTAN. QazAqparat - Shyǵys Qazaqstan oblysy Semeı qalasy Shákárim atyndaǵy úsh tilde oqytatyn kópbeıindi gımnazııasynyń bastaýysh synyp muǵalimi Nurgúl Muqanova pedagog mamandyǵyna qatysty oıymen bólisti, dep habarlaıdy QazAqparat tilshisi.

«Ahmet Baıtursynov: «Mekteptiń jany muǵalim» dep aıtqan eken. ıAǵnı, mekteptiń, odan tálim-tárbıe alǵan balanyń kelesheginiń qalaı bolatyndyǵy ustazǵa tikeleı baılanysty. Sondyqtan bizdiń qoǵamymyzda muǵalimniń mártebesin kóterýge baǵyttalǵan kóptegen shara atqarylyp ta jatyr. Memleket basshysy Qasym-Jomart Toqaevtyń Tamyz konferentsııasyna qatysýy jáne Pedagog mártebesi týraly zańnyń aldaǵy ýaqytta qabyldanýy sol ustazdarǵa degen qurmetti bildiredi», - dedi elimizdiń úzdik ustazdarynyń biri.

30 jyl bastaýysh synyp oqýshylaryna bilim nárin sińirip kele jatqan Nurgúl Kuljaǵazyqyzy ustaz bolý jan-jaqty bilimdilikti, shydamdylyqty, ustamdylyqty, shákirtjandylyqty, óz isine adaldyqty talap etetindigin aıtady.

«Baýyrjan Momyshulynyń «Ustaz ulyq emes, uly qyzmet» degen sózi bar. Osy uly qyzmette aldymnan talaı shákirt túlep úshyp, bilikti mamanǵa aınaldy. Ár salada eńbek etip júr. Jalpy meniń ustazdyǵym urpaqtan-urpaqqa jalǵasqan mamandyq desem de bolady. Ustazdyqtyń sara jolyn salyp ketken naǵashy atam - Kárim Muqyshuly. Ol burynǵy Semeı oblysynyń Tarbaǵataı aýdanyna qarasty Aqsýat aýylynda negizin qalaǵan belgili azamattardyń biri edi. Sol atamyzdyń jolymen otbasymyzda barlyǵymyz da ustazdyq mamandyqty tańdadyq«,- dedi Nurgúl Muqanova.

Bilikti ustaz elordaǵa attanalar aldynda aýdandyq maslıhat otyrysyna qatysyp, onda 30 jyldyq eńbegi úshin «Ybyraı Altynsarın» tósbelgisin Bilim jáne ǵylym mınıstriniń qolynan alǵanyn atap ótti.

Esterińizge sala ketsek, Nurgúl Muqanova búgin elordada mektepke deıingi jáne orta bilim júıesi boıynsha «2019 jyldyń úzdik pedagogi» jeńimpazy retinde marapatqa ıe bolǵan edi.